- Подробности
-
Категория: Последний номер
-
Создано 11.06.2020 06:27
-
Автор: Майра Дүзбайқызы
-
Просмотров: 768
Ауыл – қазақтың қасиетті құт-мекені, қайнар көзі, алтын бесігі. Киелі қазақ даласы ғасырлар бойы халықтың өзегін талдырмады. Өсіп-өнуіне мүмкіндік берді. Бүгінде өркениетті ел болып, даму жолын қаладан тапқанымызбен, ауылдың алар орны ерекше.
Мемлекет басшысы өз Жолдауында ауылдық жерлердің әлеуметтік ортасын жаңғырту қажеттілігін айтты. Осы мақсатта Елбасы «Ауыл - ел бесігі» жобасының басталғанын жариялаған еді. «Ауылдық жерлердің әлеуметтік ортасын жаңғыртуға да кірісуіміз қажет. Осыған байланысты арнайы «Ауыл - ел бесігі» атты жобаны жүзеге асыру қажет. Бұл арқылы қазақстандықтардың жергілікті жердегі еңбегіне қатысты идеологияны қолға алуымыз керек» -, деді Мемлекет басшысы.
Жобаның басты мақсаты-ауылдық жерлерде өмір сүру сапасын жақсарту, ауылдық округтердің әлеуметтік ортасын жаңғырту екендігі белгілі. Жобаны жүзеге асырудың алғашқы жылында ірі елді мекендерге баса назар аударылды.
«Ауыл – ел бесігі» мемлекеттік бағдарламасын іске асыру үшін ауылдарды іріктеу әкімшілік мәртебесіне, даму перспективасының болуына, халық санына, шекара маңындағы орналасуына және ауылдық елді мекендердің әлеуметтік-экономикалық даму әлеуетін сипаттайтын басқа да көрсеткіштеріне сүйене отырып, жүзеге асырылады.
Қазіргі уақытта жобаның 2020 жылғы жоспарына жеті ауыл кірді. Олардың ішінде аудан орталықтары – Денисовка, Қамысты, Қарабалық, Қарамеңді, Ұзынкөл, сондай-ақ, Силантьевка және Тобыл кенттері бар», - деді облыс әкімі Архимед Мұхамбетов.
Тобыл кентінде жол жөндеу жұмыстары қарқын алуда. Биыл кентімізде «Ауыл- Ел бесігі» арнайы жобасы бойынша 5 көше жөнделеді деп жоспарлануда. Атап айтқанда, Теміржол вокзал алаңы –5400 ш.м., Станционный көшесі Деповской қиылысына дейін -3090 ш.м., 515м., Деповской қиылысынан Бейбітшілік көшесі - Станционный көшесіне дейін-1200ш.м., 200м., Школьный қиылысынан Бейбітшілік көшесі - Целинная көшесіне дейін – 4560ш.м.,760м., Станционный қиылысынан Бейбітшілік көшесінен Целинный көшесіне дейін- 4320ш.м.,720м., яғни, жөнделетін көшелердің жалпы ұзындығы -18 570ш.м., 2 195м. Кейбірінде асфальт жол болмаған, енді орташа жөндеуден өтеді. Осы мақсаттарға 2020-2021 жылдарға республикалық бюджеттен қаралған 126 826,427 мың теңге бөлінді.
Осы бағдарлама аясында ел дамуының алтын бесігі болған ауылдар қарқынды дамып, алдағы уақытта бұдан да үлкен жетістіктерге бастайтыны сөзсіз.