- Подробности
-
Категория: Последний номер
-
Создано 01.10.2020 06:15
-
Автор: Балзина Атимтаева
-
Просмотров: 538
Адамды жалмаған коронавирусты қойып, енді құс тұмауын талқыға салатын болдық.
Ресми ақпараттарға сүйенсек қазіргі таңда Қазақстанның бес облысының 26 ауданында құс тұмауы тіркелген. Оның ішінде 47 елді мекеннің құстарына қауіп төндірген. Соңғы деректер бойынша, ел бойынша 12 926 құстың қырылғаны белгілі болып отыр. Осы жағдайға байланысты бүгінгі ахуалды сөз етпекке аудандық ветеринария бөлімі басшысы Ұшқын Құрмағалиевтен ауданымыз құс тұмауына тап болып,тұрғындарға қауіп бар ма, әлде халықтың уайымға салынуына еш себеп жоқ па екенін білу үшін сөзге тарттық:
-Қазіргі таңда ауданымызда құс тұмауы бойынша еш қауіп жоқ деп айта аламын. Жақын күндері облыстық басқармаға хабарласып мән-жәйді сұрастырған болатынбыз. Ауданымызға құс тұмауы бойынша вакцина берілмейтіні, сонымен қатар, ауданымыз бұл тұмаудан сақ екені туралы айтып уайымымызды сейлітті. Сондықтан, аудан тұрғындарына әзірге құс тұмауы қауіпінен аманбыз деп айтқым келеді-, дейді бөлім басшысы.
Инфекция жұқтырған адам болса оның алғашқы белгілері үш күннен аспай пайда болады. Белгілері - кәдімгі тұмау белгілеріне ұқсас: дене қызуының көтерілуі, қалтырау, бұлшық еттің ауырсынуы, жөтел және тамақтың ауыруы түрінде болып келеді.