Сайт газеты МАЯК

«Саламатты Қазақстан» пойызы Тобылға келді

Подробности

Категория: №38 (10358) от 20 сентября 2018 года

Создано 20.09.2018 05:58

Автор: Айбатыр Ниязбек

Просмотров: 548

Өткен жұма күні «Саламатты Қазақстан» пойызы құрамындағы жоғары және бірінші санаттағы дәрігерлерден жасақталған бригада Тобыл кентінің тұрғындарына медициналық көмек көрсетті.

Еске сала кетейік, «Саламатты Қазақстан» медициналық пойызы өз жұмысын осыдан бірнеше жыл бұрын Ішкі істер министрлігі Төтенше жағдайлар комитетінің мұрындық болуымен бастаған еді.
Аталмыш пойыз Қостанай облысындағы жұмысын ағымдағы жылдың 4-ші қыркүйегінен бастады. Ондағы мамандар қыркүйектің 20-на дейін облыстың шалғай елді-мекендерінде болып, тұрғындарға медициналық қызмет көрсетеді. Одан әрі пойыз өзге облысқа аттанады. Алты вагон тиелген «Саламатты Қазақстан» пойызы тобылдықтармен қатар, ауданның шалғай елді-мекендерінен келген тұрғындарға да барынша қызмет жасады. Пойызда гинеколог, невропатолог, кардиолог, хирург, офтальмолог, педиатр, отоларинголог, стоматолог, рентгенолог, эндоскопист, УЗИ секілді бірнеше мамандар бар.
– Біздің Қостанай ауруханасының мамандары мамандандырылған әлеу­меттік пойыздар жұмысына жыл сайын қатысып жүр. Тәжі­рибесі мол, білікті мамандар қыз­метіне тұрғындар риза. Дәрігерлер пойызда демалыс­сыз жұмыс істейді, олар те­мір­жолшылар мен шалғай ауылдардың тұрғындарын кө­бірек қамтуды басты мақсаты етіп отыр. Медициналық кө­мек­тің барлығы ақысыз көрсе­тіледі. Өзінің денсаулығы үшін алаңдайтын, бірақ облыс орталығындағы емханаларға баруға мүмкіндігі жоқ азаматтар тексерілуіне, дәрігерлерге өзін толғандырған сұрақтар қоюына болады, – дейді пойыздағы дәрігерлер.
«Әрине, пойыздың келуі қарапайым тұрғындар үшін жақсы болды. Бұған дейін де осындай шаралар елімізде жүзеге асырылған болатын. Еліміздің кез-келген өңірін алсақ та дәрігерлер жетіспейді. Бүгінгі күні Тобыл кентіне маманды дәрігерлердің келуі аса маңызды», - дейді кент тұрғыны Екатерина Байнакатова.

• < Назад
• Вперёд >