User Registration

or Отмена

Тәжірибе алмасу – кәсіби қажеттілік

b_600_290_16777215_00_images_images_2018_23_23-2018-8.JPGЕстеріңізге сала кетейік, жақында аудандық білім беру бөлімінің ұйымдастыруымен облыстық «Болашаққа бағдар: рухани жаңғыру» бағдарламасы: жаңғыру күтулерден қоғамдық сананың өзгеруіне» ғылыми-практикалық конференциясы өткен болатын. Газетіміздің өткен санында аталмыш іс-шараның аясындағы негізгі тақырыптарға қысқаша шолу жасаған едік. Уәде еткеніміздей, жалғасы бар...

 

С.Ерғалиев атындағы орта мектептің қабырғасында өткен секциялық жұмыс сағат 9.00-де басталды. Ауданымыздың ғана емес, өзге өңірлерден арнайы келген мұғалімдер, балабақша тәрбиешілері бірден үш секцияға бөлінді. «Отаным – тағдырым – болашақ ұрпақ» атты бірінші секцияда бірінші болып өз баяндамасын Рудный қаласының №2 гимназиясының директорының тәрбие ісі жөніндегі орынбасары Анастасия Нестеренко ұсынды. Ал, Асенкритов орта мектебінің мұғалімі Айсұлу Самуратова қоғамдық санада қазақ тілінің латын әліпбиіне көшу өзгерістері туралы әңгімелесе, Наурызым ауданының қазақ тілі мен әдебиеті пәнінің мұғалімі Рыскүл Камалиева «Ел іші – алтын бесік» тақырыбын аша түсті. Ауданымыздың білім саласының қызметкерлері де, шақырылған қонақтар да бала тәрбиесіне, жеке тұлғаға рухани-адамгершілік тәрбие беру тақырыбын жан-жақты қамтыды. «Өлкетану» - мәдени мұра тарихы секциясы тарих, география мен биология, қазақ тілі мен әдебиеті, тәрбиешілердің басын қосса, «Саналы азамат» - талантты ұрпақ және дарындылық кепілі секциясы ондаған ұстаздардың өзара тәжірибе алмасуына септігін тигізді.

Тәжірибе алмасу – мұғалімнің кәсіби өсуінің факторларының бірі. Сондықтан, мен сияқты жас мамандар үшін осындай конференцияларға қатысу өте маңызды деп білемін. Секциялық жұмыс та, пленарлық бөлім де өте жақсы өтті деп есептеймін, баяндамашылар да үлкен жауапкершілікпен дайындалған екен. Мектептердің, кітапхана мен музейдің, өнер мектебінің бірлесіп ұсынған көрмесі де менің де, әріптестерімнің де көңілінен шықты. Әсіресе, Астанамыздың мерейтойына арналған туындылар көздің жауын алады. Мен конференцияға қатысып, білім қорымды да толықтырдым, өзге мұғалімдермен де таныстым, арнайы сертификатқа да ие болдым», - дейді Красносельск орта мектебінің мұғалімі Күнсұлу Баймағамбетова. Оқырман қауым, өткен аптада конференцияның пленарлық бөліміне мән берсек, газетіміздің осы санында секциялық жұмысқа екпін жасадық.

 


Канал на YouTube