Сайт газеты МАЯК

Жазда кітаппен бірге!

Подробности

Категория: Последний номер

Создано 13.06.2019 06:56

Автор: Балалар абонементі кітапханашысы: Гулнур Ералиева

Просмотров: 721

Кітапхана - білімді дамытудағы көшбасшы. Кітапты ешбір ақпарат құралы алмастыра алмайтындығын, кітаптың адамзат дамуында алатын орны жоғары екенін үнемі оқырмандар санасына жеткізіп отыру - кітапханашының басты міндеттерінің бірі.
Әрбір ата-ана өз балаларының жақсы оқуын, білімді болғанын қалайды. Кітап оқуға деген құмарлығын арттырып, мәдениетті болып өсуіне ықпал жасап, жалпы рухани дүниесін байыта түсуге атсалысады. Балалардың рухани байлығын арттырудың сан түрлі жолдары бар. Сол жолдардың бірі – шығармашылық тәрбие болып табылады. Әрбір баланың ішкі дүниесін дамытып, шығармашылық қабілеттерін тәрбиелеу, балалық шақ құндылықтарын насихаттап, салт-дәстүріміз туралы ақпарат алуын қамтамасыз етуге себепкер болуда кітапхананың орны ерекше.
«Болашаққа бағдар «Рухани жаңғыру» бағдарламасының , «Тәрбие және білім» кіші бағдарламасы «Отаным – тағдырым» негізгі жобасы аясында 5-маусым күні «Достық» мәдени-танымдық орталығының оқу залында балалар абонементі кітапханашысы Г.В.Ералиеваның ұйымдастыруымен 4-маусым Мемлекеттік рәміздер күніне орай, «Мемлекеттік рәміздер-ұлттық мақтанышымыз!» тақырыбында іс-шара өтті.
Іс-шараның негізгі мақсаты - оқушыларды Отан сүйгіштікке, адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, тарихын білуге тәрбиелеу.
«Достық» мәдени – танымдық орталығының оқу залында өткен іс-шараға Сапар Ерғалиев атындағы орта мектептің «Айгөлек» денсаулық жақсарту алаңы оқушылары қатысты. Оқу залында «Рәміздерім – мақтанышым!» тақырыбында кітаптар көрмесі ұйымдастырылды.
Іс-шара барысында балаларға Мемлекеттік рәміздер, олардың авторлары, шығу тарихы туралы түсінік берілді. Балаларға еліміздің символдары, мемлекеттік рәміздерді қастерлеп – құрметтеу бәріміздің міндетті парызымыз екені туралы айтылып, олардың маңызы түсіндірілді. «Бір ел-бір тағдыр» көрмесі таныстырылды. Балаларға рәміздер жайлы сұрақтар қойылып, балалар өз ойларымен бөлісті.
Соңынан балалармен қызықты да, көңілді ойындар ойналды.
Өмірде барлық нәрсе өзгереді. Тек, кітап және кітапхана халықтың керегіне жарап, ғасырлар бойына қызмет етеді. Біз жас ұрпақ санасының нәрлі болуы үшін, қазақы құндылық пен әдеп - ибаны қалыптастыруда тек қымбат қазынамыз кітап арқылы ғана әсер ете аламыз.Өйткені, білімді, білікті, мәдениетті, көзі ашық баланың тәрбиесі – тәуелсіз еліміздің ертеңгі болашағы болары сөзсіз.

• < Назад
• Вперёд >