Сайт газеты МАЯК

Шағын кәсібін дөңгелетіп отырған - Ботагөз

Подробности

Категория: Последний номер

Создано 15.08.2019 07:31

Автор: Балзина Атимтаева

Просмотров: 316

Шаштараз барлық уақытта болған және бола бермек, себебі шаш адам сұлулығын анықтайтын сыртқы бейненің негізгі элементі болып табылады.
Ерлер, әдетте, екі аптада бір рет шаштарын қысқартады, сондықтан да шаштараз бизнесін табысты ету қиын мәселе емес. Маңыздысы-барлығын дұрыс ұйымдастыру және «айналдыру».
Ботагөз Жапарғалиқызы ауданамызда шаштараз салонын ашқан бірінші нәзік жанды емес, десе де, қазіргі уақытта нәтижелі шаштаразшы екені сөзсіз.
2018 жылдың мамыр айында «Бастау Бизнесі» бағдарламасымен 3 ай шаштараз мамандығына оқып шығып, сертификатқа қол жеткізген.
«Әрине, басында қорқыныш болды. Дегенмен де, кәсіби шаштаразшы емеспін ғой, енді оқып бітірген кезім, сондықтан қобалжу болды. Осы мамандыққа оқымастан бұрын, менде қызығушылық болатын. Туған-туыстарымның, достарымның шаштарын қысқартып жүрдім. Ол кезде өз адамдарым, онша қорқыныш болмады. 10 жыл көлемінде дүкенде сатушы болып істедім. Уақыт өте келе, әкемнің, бауырымның тарапынан қолдау болып, шаштараз мамандығына оқыдым. Содан, «Бастау Бизнестен» 250.000 мың көлемінде грантқа ие болып, жұмысымды бастап кеттім. Оқуды бітірген соң,жарты жыл бойы қорқынышымды жеңіп жүрдім. Алайда, қазір өз жұмысымнан ләззәт аламын. Келген әрбір адамға шаштарына сәнді шаш үлгісін жасап қана қоймай, жақсы көңіл-күй сыйлауға тырысамын. Шаштараз сізден «Қайда істейсіз?» деп сұрайды. Сіз «құр әңгіме үшін сұрап тұр» деп ойлайсыз. Ал,шаштараз сіздің шашыңызды қызметіңізге қарай икемдеп қия бастайды. Ол-әр шебердің басты қағидасы»,-дейді Ботагөз.
Қазіргі таңда Ботагөз шаш жууға арналған құрылғыны алуды жоспарлап отыр.

• < Назад
• Вперёд >