Үштілділік балабақшадан басталады

b_600_290_16777215_00_images_images_2019_39_39-2019_10.jpgБалаларға тіл үйретудің қиындығы мен қызығы да осы шақтан басталады. Сондай қиындықтарды қызыққа жеңдіріп, әр сабақта баланың жаңа сөздерді меңгеріп, өз ойын айта білуіне және толық жауап беруіне ұмтылу қажет.


Заман талабына сай әр мұғалім өз сабағын жаңаша ұйымдастырып, шығармашылық ізденіспен өткізеді. Осы мақсат пен міндеттерді негізге ала отырып, балаларға үштілділікті үйретуде тек қана сөздерді қайталау арқылы үйретпей, оларды ойындар мен көрнекіліктер арқылы үйреткен тиімді болып табылады. Дәл осындай тәсілмен аудандық «Айгөлек» балабақшасы балаларға қазақ тілін үйрету мақсатында шара ұйымдастырды. Аудандық балабақшаның меңгерушісі Динара Балташқызының айтуынша: «ҚР тұңғыш Президенті – Елбасы Н.Ә. Назарбаевтың «Болашаққа бағдар: рухани жаңғыру» атты бағдарламалық мақаласы
Елбасы Н.Ә. Назарбаевтың Қазақстан халқына Жолдауында «Қазақстан бүкіл әлемде халқы үшін үш тілді пайдаланатын мәдениетті ел ретінде танылуға тиіс.» Бұлар қазақ тілі – мемлекеттік тіл, орыс тілі – ұлтаралық тіл, ағылшын тілі - жаһандық экономикаға ойдағыдай кірігу тілі» делінген. Тек осы үш тілді өзара ұштастырып, өз орнымен қолдана білулері қажет. Осы қағидаларды пайдалана отырып, «Айгөлек» балабақшамызда «Болашаққа бағдар: рухани жаңғыру» балабақшадан бастау алады деген іс шара өтті. Мерекеміздің басты мақсаты-балаларға достық, бауырластық деген – ұғымды қалыптастыру. «Тіл – халық қазынасы» демекші, мерекемізді қазақ тілі мұғалімі А. С. Жансинова ұйымдастырды. Балабақшаның ортаңғы, ересек топтардың балалары қатысты. Ата аналарға және балабақша қызметкерлеріне «Қазақша сөйлейміз!» деген акциясы өтті.
Мерекемізді «Сөзжұмбақ» ойынымен басталып, үш тілде сұрақ-жауаптар алынды. Өзге ұлттың балалары мемлекеттік тілде тақпақтар, ағылшын тілінде мақал – мәтелдер айтып, қыздарымыз «Қамажай» биін биледі. Қазақтың ұлттық ойыны «Орамал тастау» ойынын балалар қызығушылықпен ойнады. Сол сияқты «Әуенді тап» деген тапсырмада, балалар әр халықтың: украин, орыс, қазақ, өзбек,грузин әндерін еш қатесіз тапты. Соңында балалар «Әр қашан күн сөнбесін» деген өлеңді бірігіп екі тілде айтып шықты. Міне, тіл – халықтың байлығы, қазынасы. Тілді таза ұстап, қастерлеп, құрметтеуіміз керек. Мемлекеттік тілді жоғары дәрежеде меңгеріп. Ана тілін қадірлей отырып, өзге тілді білуге ұмытпау - уақыт талабы дегіміз келеді».
«Білім –менің тілімде» деп ұлы аталарымыз айтпақшы білімді болғымыз келсе, ең алдымен мемлекеттік тілімізді білуіміз қажет. Тілді қастерлеу, үйрену - әр Қазақстандықтың парызы. Десе де, «Өзге тілдің бәрін біл...» демекші, ұлтаралық тілді де ұмытпағанымыз абзал деп білеміз.


 
Яндекс.Метрика
Курс валют в Казахстане