Сайт газеты МАЯК

Іс-шара қаншалықты қызықты өтті?

Подробности

Категория: Последний номер

Создано 25.12.2019 15:36

Автор: Өз тілшімізден

Просмотров: 630

Желтоқсанның 24 жұлдызында Б.Майлин атындағы тарихи-өлкетану музейінде «Рухани жаңғыру» бағдарламасының аясында қызықты да танымды іс-шара өтті.

Красносельск орта мектебінің қазақ тілі мен әдебиеті пәнінің мұғалімінің ұйымдастыруымен өткен «Менің Отаным – Қазақстан» тақырыбындағы сыныптан тыс іс-шараға аталмыш білім ордасының 8-сынып оқушылары қатысты. Күнсұлу Баймағамбетованың айтуынша, мұндағы мақсат - Отанды сүюге, еліміздің рәміздерін қастерлеуге, туған еліне деген сүйіспеншілікті арттыруға, оқушыларды өз елінің патриоты болуға тәрбиелеу, «Рухани жаңғыру» бағдарламасы туралы білімдерін кеңейту.
«Аталмыш іс-шара сайыс түрінде үш тілде өткізілді. Оқушылар 2 топқа бөлініп, түрлі қызықты тапсырмалар орындады. Әрбір тапсырманы дұрыс, әрі тиянақты орындағаннан кейін, оқушылар Қазақстанның аймақтарын бір картаға жинастырды. Облыс орталықтарын еске түсіру мақсатында да тапсырма орындалды», - дейді ұйымдастырушы жас маман.
Үш тілде жүргізілген мақал-мәтел жарысы да оқушылардың көңілдерінен шықты десек, артық айтқанымыз емес. Қатысушылар іс-шара барысында «Отан» сөзінің терең тұңғиығына үңіліп, өз әсерлерімен бөлісті. Махаббат Қалиева: «Бүгінгі өткізілген іс-шараның біз үшін маңызы өте зор. Менің ойымша, жас ұрпақтың бойындағы патриоттық сезімді оятуға септігін тигізетіні сөзсіз. Маған ұнаған тапсырмалардың бірі – «Суреттер сөйлейді». Оны орындау кезінде біз ерекше көңіл- күйде болып, одан керемет әсер алдық. Маған өте қатты ұнады»,-деген ойымен бөлісті.
«Рухани жаңғыру» бағдарламасы қоғамды шоғырландыруға, зиялы қауым мен жастарды, барлық ұлт өкілдерін Елбасы жариялаған жарқын идеяның айналасына біріктіруге мүмкіндік береді. Мемлекеттік бағдарламаның барлық бағыттары әлеуметтің, ғылыми-эксперттік қауымдастықтардың, азаматтық қоғам өкілдері мен өскелең ұрпақтың белсенділік танытуының арқасында жүзеге асырылады. Міне, ауданымыздың жас мамандарының бірі Күнсұлу Баймағамбетованың ұйымдастырған осы іс-шарасы соған дәлел.

• < Назад
• Вперёд >