Сайт газеты МАЯК

Терроризмнен сақтану - басты міндет

Подробности

Категория: Последний номер

Создано 23.05.2024 08:12

Автор: Super User

Просмотров: 365

Қазақстан - тұрақты экономикалық өсімі бар, қоғамдық келісім мен орнықты саяси жағдайы қалыптасқан көп ұлтты және көп конфессиялы ел болып табылады. Еліміз өзінің алдына қойған мақсатына үшін дүние жүзіндегі дамушы мемлекеттер қатарына жету жолына нық қадам басуда. Дүние жүзілік аренада еліміздің айрықша орын алуына көз тігуші мемлекеттер қатары көбеймесе азаймағанын бәріміз білеміз.
Міне осындай елімізді әлсірету үшін көптеген себептер баршылық. Соның қауіптісі – терроризм. Терроризм - бұл қылышынан қаны тамып тұрған зұлмат. Соңғы кезде әлемнің көптеген елдері үшін терроризммен күрес мәселесі аса өзекті болып отыр. Терроризм барлық түрлері және көріністерімен, ауқымы және қарқындылығымен, зұлымдығы және қанішерлігімен бүгінгі заманда ең өткір мәселеге айналды. Қазақ халқының ұлы ойшылы Абай Құнанбаев өзінің қара сөздерінде: «Адам баласын заман өсіреді, кімде-кім жаман болса, оған замандастарының бәрі кінәлі» деп ұлағатты сөз айтты. Бұл жағдаят адам, қоғам, мемлекет дамуының маңызды қырларын ашып көрсетеді. Сондықтан, мемлекеттің жастарды тәрбиелеуге, тәні сау және рухани бай жастар ортасын қалыптастыру үшін қолайлы жағдайлар жасауға ерекше көңіл бөлуі өте маңызды. Теміржол объектілеріндегі террористік актілер, жарақат алу, инфрақұрылымның бұзылуы және қоғамдық тәртіптің бұзылуы сияқты ауыр зардаптарға әкелуі мүмкін. Тікелей салдардан басқа, мұндай оқиғалар халық арасында дүрбелең мен қорқыныш тудыруы мүмкін, сонымен қатар экономика мен әлеуметтік тұрақтылыққа нұқсан келтіруі мүмкін. Сондықтан қауіпсіздіктің тиімді шаралары мен терроризмге қарсы стратегияларды дамыту және жүзеге асыру оқиғалардың алдын алуда маңызды рөл атқарады.
Тобыл теміржол желілік полициясы мектеп оқушыларымен, жастармен кездесу өткізіп тұрады. «Терроризм туралы не білеміз», «Терроризм- және оның зардаптары» атты оқушыларға терроризм туралы тарихи және саяси құбылыс ретінде түсіндіріп, жастарды осындай жат діни ағымдардан аулақ болуға алдын алуда. Тәрбие сағатының мақсаты терроризм туралы терең түсінік беру, оның түрлері, себептері мен зардаптарын ұғындыру, сақтана білуді үйрету, жасөспірімдерге қоғамның әлеуметтік, құқықтық сипаттарын ұғындыра отырып, террорлық, лаңкестік бағытта арандатуға жол бермеуді үйрету болып табылады.
- Қазіргі уақытта Көліктегі қауіпсіздік біздің өміріміздің маңызды аспектілерінің бірі. Террористік қауіп-қатерлерге байланысты теміржол көлігі объектілеріндегі қауіпсіздікке ерекше назар аудару керек. Террористік ұйымдардың негізгі мақсаттары - әртүрлі діни ұйымдарды пайдалана отырып, адамдардың пікіріне әсер ету, билікті ұстап қалу, ұлтаралық соғыстар, талас-тартыстар ұйымдастыру, дінді саяси құрал ретінде пайдалану. Сондықтан мектеп жасындағы оқушыларға қазіргі таңда туындап отырғаны мәселелер туралы білім беретін мекемелерде дінді дұрыс бағытта оқытып, діни сауаттылығын арттыруда, мұғалімдер және ата-аналармен осы тақырыптарда әртүрлі шаралар өткізіп отырамыз. Себебі, діни сауаты төмен әрбір азамат діни секталарға қосылып кетуі мүмкін. Біздің жұмысымыздағы теміржол көлігіндегі қауіпсіздік - бұл әркімнің назарын және қатысуын қажет ететін қоғамдық іс. Сондықтан қауіпсіздік шаралары мен бірігіп әрекет ету террористік актілердің алдын алудың және теміржол жүйесіндегі барлық жолаушылар мен қызметкерлердің қауіпсіздігін қамтамасыз етудің негізгі факторлары болып табылады.- дейді Тобыл теміржол станциясы желілік полиция бөлімінің бастығы Бисенов Наурызбек Жұмағалиұлы.
Терроризмнен сақтану бағытында қазіргі кездері бүкіл әлем болып күрес жүргізуде. Бірақ әртүрлі ұйымдар, топтар адамзат өміріне қатер төндіруін тоқтатар емес. Сол себептен де бүкіл әлем болып терроризмге қарсы күрес жүргізу құптарлық іс екендігі айтпаса да белгілі.

• < Назад
• Вперёд >