Сайт газеты МАЯК

Ұжымда ең алдымен бірлік бәрінен биік тұрады

Подробности

Категория: Последний номер

Создано 17.10.2024 09:22

Автор: Майра Дүзбайқызы

Просмотров: 122

Бүгінде татулығын ту етіп, ынтымағын жарас­тыр­­ған жасампаз мемле­ке­тімізге қызыға да, қыз­ға­на да қарайтындар аз емес. Әсіресе, бірлікті «ба­ғым» деп бағалаған халық­тың біртұтастығы талай­лар­­ға үлгі болуда.
Бұл ең алдымен өзгені өзекке теппеген қазақ халқының кеңдігін білдіреді. Әрине, бір шаңырақтың асты­на бірнеше ұлттың басын бі­рік­­тіріп, берекесін кіргізу кез кел­ген мемлекеттің қолынан келе бермейтіні белгілі. Ал бір ме­ке­ме­ге сан ұлт өкілдерін қыз­метке алып, жұмыстың жүйе­сін табу өз алдына үлкен ерлік. Міне, сондай көпұлтты ұжымды сүттей ұйытып отырған кәсіпорынның бірі – Тобыл станциясының «Әскерилендірілген теміржол күзеті» атқыштар командасы. Ең­бек­керлердің ең көбі қазақ, орыс, украин, белорус болса, әзербайжан, молдаван, неміс ұлттары да мұнда қызмет ету­де. Қай ұлт өкілдері де теміржол саласының өркендеуіне өз үлес­те­рін қосуда. Бұл ұжымда ең алдымен бірлік бәрінен биік тұрады екен.
– Қазақта «Бірлік түбі – бе­ре­ке» деген жақсы сөз бар. Біз­дің қызметкерлер осы қағи­даны берік ұстанады. Мекемеге бір адамды жұмысқа аларда оның ұлты мен тегіне емес, шеберлігі мен қабілетіне баса көңіл бөлеміз. Қандай қызметте де еңбеккердің төккен тері есепке алы­­нады.- дейді мекеме басшысы Козлова Евгения Александровна.
Достығы берік түрлі ұлт өкілдерінен құралған ұжымның басты қағидасы – татулық. Көпұлтты ұжым бола тұра өздеріне тән ұлттық құндылықтарын жоғалтпай, бейбітшілікті жоғары бағалайтын осындай еңбек ұжымдары мемлекетіміздің мықты тірегі. Татулықты ту еткен «Әскерилендірілген теміржол күзеті» атқыштар командасы ұжымы тіршіліктің тайқазанын қайнатқан өзге ұлт өкілдері бір үйдің баласындай жұдырықша жұмылып жұмыс істеуде. Бірлігі бекем, тірлігі көркем болып отырған ұжым жұмысы әрдайым жемісті болсын деп тілейміз.

• < Назад
• Вперёд >