Сайт газеты МАЯК

Ақыл, қайрат, білімді тең ұста!

Подробности

Категория: Последний номер

Создано 14.11.2024 08:21

Автор: Хайрат Айнагул, «Бейімбет Майлин ауданы білім бөлімінің №2 Тобыл жалпы білім беретін мектебі»КММ-нің бастауыш сынып мұғалімі

Просмотров: 144

№2 Тобыл жалпы білім беретін мектебінің «Жарқын белес» бастауыш сынып пәндер әдістемелік бірлестігінің онкүндігі болып өтті. Дәстүрге сай апталықтың ашылу салтанаты қазақтың ұлы ақыны Абай атамыздың сөзімен аталды. Яғни, «Ақыл, қайрат, білімді тең ұста!».
Абай "Ақыл, Қайрат, Жүректі бірдей ұста,
Сонда толық боласың елден ерек", —деп, өзінің "Әуелде бір суық мұз — ақыл зерек"өлеңінде тілге тиек етеді.
Расында да егерде Ақыл, Қайрат, Жүрек біріксе, ғылымды игеруге жол ашылады және Абай атамыз айтқандай осы үш қасиет адам бойында бірдей табылса, табанының топырағы көзге сүртерлік қасиетті адам сол болар еді.
Абайдың он жетінші қарасөзі адамгершілікке, адалдыққа, ізгілікке, ғылым-білімді игеруге шақырады.
1-4 сыныптар арасында қызықты тапсырмалар шеруі орындалып, көңілді үзілістер орын алды. «Қызықтың бәрі кітапта» атты «Оқуға құштар» мектеп жобасын да жоспардан тыс қалдырмадық. «Сабақ беру – үйреншікті ғана шеберлік емес, ол жаңадан жаңаны табатын өнер» деп Жүсіпбек Аймауытов айтқандай, бастауыштағы әр сабақ рухани байлықтың көзі. Демек, әр ұстаз өз шеберлігін көрсете отырып, ашық сабақтарды жаңа әдіс-тәсілдермен түрлендіріп, тамаша сабақтар өткізді.
Ашық сабақтардың мақсаты әріптестермен өзара тәжірибе алмасу, жаңа әдіс-тәсілдермен бөлісу. Сондай-ақ тәрбиелік маңызы бар іс-шаралар да өткізілді. Соның бірі «Ата-аналар педагогикалық қолдау» орталығы мен «Біртұтас тәрбие» аясында ұйымдастырылған «Әжелер сөзі –тәрбие көзі» атты «Өнегелі 15 минут» айдарына орай іс-шара өткізілді.. Бастауыш сыныптың әжелері бұл іс-шараға белсене ат салысты. Жабылуына арналған салтанатты жиында концерт ұйымдастырылды.Белсенді оқушылар мадақтамамен және дипломмен марапатталды.
Тоқсан ауыз сөздің тобықтай түйінін айтқанда,он күнге созылған дәстүрлі шара "жоғарғы деңгейде" деп бағаланды. Бұл бастауыш мұғалімдерінің жауапкершілікпен аянбай еңбек етуінің нәтижесі деп білемін. Әріптестеріме алдағы жұмыстарына сәттілік пен толағай табыстар тілеймін.

• < Назад
• Вперёд >