Сайт газеты МАЯК

Астық-үлкен құндылық

Подробности

Категория: Последний номер

Создано 28.11.2024 09:55

Автор: Майра Дүзбайқызы

Просмотров: 166

Қазақстанда ауыл шаруашылығы, тамақ және қайта өңдеу өнеркәсібі қызметкерлерінің күні қарашаның айында атап өтіледі. Жылдың төрт мезгілінде тынбай еңбек етіп, отбасын, ауыл-аймағын, мемлекетін азық-түлікпен қамтамасыз етіп, одан қалды әлемдік нарықтың толығып-молығуына атсалысып жүрген ауыл шаруашылығы қызметкерлерін төл мерекелерімен құттықтай отырып, осы бір көне кәсіптің еліміздегі мәні мен маңызына тоқталуды жөн көрдік. Кәсіби мерекеде біз кәсіпорын және көптеген жылдар бойы басты еңбегі астықты сақтау болып табылатын адамдар туралы айтамыз.
Тобыл элеваторы- астық қоймасының маңызы зор. «Тобыл элеваторы» аумағында сүрлем корпустары, астық тазарту мұнарасы, астық кептіру жабдықтары, қоймалар, астық сапасын анықтауға арналған аттестатталған зертхана, теміржол және автокөлікті қабылдау-түсіру пункттері және т. б. барлық өндірістік нысандар тазарту қондырғыларымен жабдықталған. Тобыл элеваторы қызметінің негізгі түрі-астықты қабылдау, кептіру, өңдеу (органикалық және минералды қоспаларды жою), сақтау және босату болып табылады. Элеватор жұмысы егін жинауға және түскен астық көлеміне байланысты. Ең белсенді маусым – тамыз айынан желтоқсанға дейінгі уақыт. Қазір астықты сақтауға тапсырыс берушілер – кейіннен темір жол көлігімен жөнелту және тасымалданады. Элеватор негізінен астық ағындарының тұрақты қозғалысы үшін жұмыс істейді. Жауапкершілігі көп жұмыс кешенінде 40-20 жылдай еңбек еткен жандар жетерлік. Атап айтсақ, Гушан Яков Иванович- астық учаскесінің бастығы болып 1992 жылдан,
Бабиченко Геннадий Витальевич- ауыстыру шебері 2000 жылдан, Бурлуцкий Евгений Васильевич- бас энергетик 1990 жылдан, Ересько Татьяна Алексеевна- ПТЛ бастығы (өндірістік-технологиялық зертхана) 2001 жылдан, Кириллова Надежда Васильевна- ПТЛ бастығының орынбасары 1989 жылдан, Волкович Лидия Викторовна- техник- технолог 2000 жылдан, Болдарева Галина Геннадьевна- таразышы (весовщик) 1992 жылдан, Гайдукова Ольга Фёдоровна астықты өңдеу аппаратшысы болып 2005 жылдан еңбек етуде.
- Астық-үлкен құндылық. Элеватор қызметі астықты сақтау, сапаны нашарлатпай және қажет болған кезде оны толығымен қайтару – бұл басты міндет. Элеватор кешенін басқару-жауапты, күрделі мәселе, оны әркім түсіне бермейді. Жұмыскерлер өз кәсібінің маңыздылығын түсінеді. Астық-тірі тыныс алатын организм. Оны бүлінбеуі үшін үлкен жауапкершілік керек. – дейді «Тобыл элеваторының» бас инженері Тимошенко Сергей Николаевич.
-Астық қабылдауға дейін барлық қоймаларды дайындау жұмыстары жүргізілді. Биыл элеватор толық газдандырылды. Астық кептіру дизель отынымен болған, енді газбен жұмыс жасайды. Ауылшаруашылығы күні мерекесі жерде еңбек ететін, мал шаруашылығымен айналысатын, азық-түлік өнеркәсібінде жұмыс жасайтын, еліміздің және өңіріміздің азық-түліктік қауіпсіздігін қамтамасыз етуге талмай үлес қосып жүрген жандардың еңбегінің жемісі деп білеміз. Осы мерейлі мереке күні еңбеккерлерге дендеріңізге саулық, отбасыларыңызға амандық тілейміз. Қамбаларыңызға астық толып, шаңырақтарыңыз шаттыққа бөлене берсін!
Тобыл элеваторы ұжымын және барлық ауыл шаруашылығы қызметкерлерін кәсіби мерекелерімен құттықтаймыз! Халықтың әл-ауқаты мен өмір сапасының жақсы болуы ауыл шаруашылығының дамуымен тығыз байланысты. Елдігімізді еселеп, мемлекеттігімізді нығайтқан ауыл шаруашылығы саласы мемлекеттiк қолдаудың арқасында жаңа деңгейге көтеріліп, ел экономикасын дамыту мен ауыл тұрғындарының әл-ауқатын арттырудағы жетекші күшке айналды.Осындай жетістіктерге жетуімізге атсалысып, тер төккен баршаңызға Отанымыздың азық-түлік қауіпсіздігін қамтамасыз ету жолындағы табанды еңбектеріңізбен өз істеріңізге адалдықтарыңыз, туған жерге деген сүйіспеншіліктеріңіз үшін алғыс айтамыз.

• < Назад
• Вперёд >