Балаларға арналған спорт алаңқайы ашылды

b_600_290_16777215_00_images_images_2020_42_54544.jpgБіздің өміріміздің мәні де, сәні де, салтанаты, махаббаты, мәртебесі де бала. Бала біздің болашағымыз, еліміздің ертеңі келешегіміздің келбеті.
Қазіргі таңда, балалар үшін барлық мүмкіндіктер жасалынып жатыр деп ауыз толтырып айтуға болады. Сөзіміздің бірден бір дәлелі 16-шы қазан күні Валерьян ауылының мектеп ауласында жаңа спорт алаңқайының ашылуы болып отыр.
Спорт алаңқайының ашылу салтанатты рәсіміне аудандық мәслихаттың хатшысы Сүндетбай Сәлімжанұлы Сапабеков, «Казахдострой» ЖШС басшысы Мейрам Сайлаубекұлы Жұмабеков, аудандық спорт бөлімінің басшысы Марс Айдарханұлы Шұңғырбаев, Новоильин ауылының әкімі Мақаш Елікұлы Таймасов қатысты. Өзінің жылы лебізін аудандық мәслихаттың хатшысы Сүндетбай Сапабеков білдірді:
- Ойын алаңы балалар мен мектеп ұжымы үшін үлкен сый деп ойлаймын. Осындай алаңқайлардың ашылуы үлкен символдық мәңге ие деп айтуға болады. Егер де ауылда балалар алаңқайы талап етілсе, бұл дегеніміз-осы елді мекеннің әрі қарай дамуына мүмкіндігі бар, болашағы зор, ертеңгі күнге үлкен сенімділікпен қарайды деп санаймыз. Балалар-біздің болашағымыз, біздің даңқты істеріміздің жалғастырушысы. Валерьян ауылындағы бұл соңғы жоба емес, алда тұрғындар үшін маңыздысы- су құбырын іске қосу тұр,- деп атап өтті. Оқушылар мен мектеп ұжымының, сонымен қатар, ата-аналардың алғысы шексіз. Балаларды еш алаңсыз спорт алаңына жіберуге болатындарын айтып, қуануда.
Валерьян ауылындағы мектеп ауласында салынған балаларға арналған спорттық алаңның салыну объекті 5,5 млн теңгеге «Казахдострой» ЖШС басшысы Мейрам Сайлаубекұлы Жұмабеков тарапынан және Новоильин ауылдық округінің әкімінің аппараты арасында жасалған меморандумның арқасында салынды. Бұл объекті «Мен сені сүйем мектебім» жобасын іске асыру мақсатында «Туған жер» бағдарламасының «Атамекен» кіші бағдарламасы шеңберінде салынған болатын. Салтанатты іс-шара мәресіне жеткеннен соң, Валерьян ауылдық округінің спортшылары мен «Казахдострой» ЖШС-нің мамандарымен су жаңа спорттық алаңда футбол ойынымен достық нотада аяқталды.


 
Яндекс.Метрика
Курс валют в Казахстане