Сайт газеты МАЯК

Қызметкерлер неге үй-үйді аралап жүр?

Подробности

Категория: №50 (10370) от 13 декабря 2018 года

Создано 13.12.2018 06:10

Автор: Жанар Қасымова

Просмотров: 2612

Ауданымызда өрт қауіпсіздігі айлығының шеңберінде тұрғындардың қозғалысы шектеулі тобының үйлерін аралау жүргізілуде. Неліктен төтенше жағдайлар бөлімі иіс газымен уланудың алдын алуға және тұрмыстағы өрт қауіпсіздігі ережелерін сақтауға көңіл бөлуде?

Жыл сайынғы тұрғын үйлердегі өрт талдауы, өкінішке орай, жүргізілетін алдын алу шараларына қарамастан, ауданның тұрғын үй секторлары өрттердің негізгі нысаны болып қалуда. Тұрғын үй секторындағы өртке қарсы қауіпсіздікті қамтамасыз ету мәселелері бүгінгі таңда аудандық төтенше жағдайлар бөлімінің күнделікті жұмысындағы көкейтесті мәселелердің бірі екендігін атап өту керек. Аудан аумағындағы тұрғын үйлердегі алдын алу жұмысын күшейту үшін өрт қауіпсіздігі айлығы өткізілуде.
Аудандық төтенше бөлім қызметкерлерінің мәліметіне сүйенсек, халық арасында төтенше жағдайларды ескерту бойынша нысаналы алдын алу жұмысы жүргізіліп жатыр. Мысалы, желтоқсанның 5-і күні төтенше жағдайлар бөлімі мен жұмыспен қамту және әлеуметтік бағдарламалар бөлімінің қызметкерлері бірлесіп, мақсатты бағытталған шара өткізіп, азаматтардың өрт қауіпсіздігін сақтауына, адамдардың қаза болуын және тұншықтырғыш газбен улануын ескертуге ерекше көңіл бөлді. Сондай-ақ, шара барысында өрт қауіпсіздігі шаралары туралы нұсқаулықтар, жаднамалар таратылды.
Иіс газы жиі тұрғындардың улануына себеп болады. Сондықтан, тұншықтырғыш газдың ешқандай иісі болмайтынын ескерсек, оның буының ауада барын арнайы құрылғысыз көре алмайсыз. Оған қоса, ол кез-келген жерде болуы мүмкін., ол үшін кез-келген жану процесінің бар болуы да жеткілікті. Егер оттек концентрациясы жану көзінің жанында жеткіліксіз болса, онда тұншықтырғыш газдың қалыптасуы үшін барлық жағдайлар бар. Иіс газымен улану ойламаған жерден білінеді, өйткені зиян шеккен адам оның буымен дем алғанын сезбейді. Бас ауруы, естен тану, тыныс біту иіс газымен уланудың белгілері болып табылады. Егер жәбірленушіге дер кезінде таза ауамен тыныс алуды қамтамасыз етпесеңіз, ажал құшу қаупі бар. Иіс газымен уланғаныңызды оқиға болғаннан кейін 15-20 күн өткенде ғана білуіңіз әбден мүмкін. Жылу маусымының басталуына орай, төтенше жағдайлар бөлімі аудан тұрғындарына өрт қауіпсіздігінің ережелерін сақтау қажеттігі туралы еске салады.

• < Назад
• Вперёд >