«Думан» Мәдениет үйі өнерпаздары Красносельский ауылына көшпелі концерт қойды

Подробности: Категория: Последний номер; Создано 19.02.2025 13:44; Автор: Майра Дүзбайқызы; Просмотров: 163

Көшпелі концерт – өнерпаздардың елді мекендерді аралап, жергілікті тұрғындарға мәдени қызмет көрсетуі. Мұндай шаралар халықтың рухани азық алуына, ұлттық өнерді насихаттауға және мәдени байланысты нығайтуға үлкен үлес қосады.
Өнерпаздар өз өнерлерін ортаға салып, ұлттық мәдениетті насихаттайды. Тұрғындарға рухани демалыс сыйлайды. Ал өнерпаздар үшін тәжірибе алаңы концерттер жас өнерпаздарға тәжірибе жинауға, үлкен сахнаға шығуға дайындалуға мүмкіндік береді. Мұндай шаралар арқылы әртүрлі ауылдардың тұрғындары жақынырақ араласып, мәдениет үйлері арасындағы байланыс артады. Ұлттық құндылықтарды дәріптеу халық әндері, дәстүрлі күйлер орындалып, ұрпақ сабақтастығы жалғасады. Осылайша, көшпелі концерттер ауылдық жерлердегі мәдени өмірді жандандырып, халыққа рухани азық беріп қана қоймай, ұлттық өнерді кеңінен таратуға ықпал етеді.
Облыс әкімі бекіткен KPI бағдарламасын іске асыру аясында аудандық және ауылдық мәдениет үйлерінің өнерпаздары көркемөнерпаздар ұжымдарының, мәдени-демалыс ұйымдары күштерімен ауылдық елді мекенге көшпелі концерттер беріп, өнерді рухани дамытуда.
Өнер – халықтың рухани байлығы, мәдениетінің айнасы. Осы орайда, Тобыл кенті «Думан» Мәдениет үйінің өнерпаздары Красносельское ауылына арнайы барып, көшпелі концерт қойды. Бұл шара жергілікті тұрғындарға көтеріңкі көңіл күй сыйлап, ауыл мәдениетін жандандыруға бағытталды.
Концерттік бағдарлама дәстүрлі әндермен, халық билерімен, патриоттық және эстрадалық әндермен өрнектелді. Ауыл тұрғындары өнерпаздардың өнеріне ыстық ықыласы танытып, қошемет көрсетіп, алғыстарын білдірді.
- Бұл шара – ауыл тұрғындары үшін үлкен қуаныш. Өнерпаздардың орындауындағы әндер мен билер бізді шабыттандырды. Осындай мәдени шаралар жиі ұйымдастырылса, ауыл өмірі одан әрі жандана түсер еді, – деді ауыл тұрғындарының бірі.
Көшпелі концерттің басты мақсаты – ел ішіндегі мәдени байланысты нығайту, ауыл жұртына өнер арқылы қуаныш сыйлау. Мұндай шаралар аудан Мәдениет үйі бойынша барлық ауылдық Мәдениет үйлері мен демалыс орталықтарында жалғасын тауып, өзге ауыл, аудандарды да қамтып отыр.