«100 кітап» - рухани байлықтың тетігі

Ол-өз елінің тарихын, мәдениетін, рухани құндылықтарын терең меңгерген, әлеуеті биік, мәдениеті жоғары, көзі ашық, көкірегі ояу маман қалыптастыру үшін жастарды кітап оқуға үндеуді күн тәртібінен түспейтін мәселе.

 

Елбасымыз Нұрсұлтан Назарбаев: «Адам баласының бүкіл ғұмырындағы ең сенімді және ең сабырлы серігі – кітап» десе, сондай-ақ «Мен сендерді Интернет алмастыра алмайтын белсенді түрде жан-жақты дамуға, спортпен, өнермен айналысуға, шет тілдерді үйренуге, отандық және әлемдік әдебиеттің терең мұраларын танып-білуге шақырамын...» деген еді.

Осы мақсатта «100 кітап» жобасы дүниеге келіп, қоғамға ұсынылды. Оның негізін қалаушы Әл-Фараби атындағы Қазақ ұлттық университеті.

Ректоры, академик Ғалым Мұтанов «Адам өмір бойы оқуы керек. Бұл алғашқы бастама. Бұл кітаптардың тізімі толыға бермек. Біздің мақсат – ҚазҰУ-ға оқуға келген жас студенттік төрт жылда жүз кітапты оқып шығуы азаматтық борыш екендігін сезіндіру. Осылайша, жастар арасында кітап оқуды сәнге айналдыру қажет» деген болатын.

Жоғарыда аталғандай «100 кітап» жобаның мақсаты -оқушыларға қазақ әдебиетінің, әлем классикасының алтын қорындағы аса құнды шығармаларды оқыту, сол туындылардың рухани маңыздылығын жеткізу. Бүгінгі таңда, аталған тізімде 60 қазақ әдебиетінің, 40 әлем әдебиетінің классикасы, оның ішінде 20 - ағылшын, 20  - орыс әдебиеті қамтылған.

Осы жоба бойына рухани, патриоттық, жалпыадамзаттық және этномәдени құндылықтар сіңген, жан дүниесі бай, ұлтына пайдалы, жан-жақты білімді, құзыретті, бәсекеге қабілетті жас ұрпақ қалыптастыруға өз септігін тигізетіні мәлім.

 


 
Яндекс.Метрика
Курс валют в Казахстане