Сайт газеты МАЯК

«Мен және менің әжем» сайысы

Подробности

Категория: Последний номер

Создано 24.10.2019 06:28

Автор: Майра ДҮЗБАЙҚЫЗЫ

Просмотров: 583

16 қазан күні Қазақстанда алғаш рет «Нан күні» атап өтілді – бұл күн 2019 жылғы 16 қыркүйектегі Қазақстан Республикасы Үкіметінің қаулысымен бекітілді.

Бiздiң Республикамыз – қазақ халқының қасиетi дарыған алтын дән даласы. Дән дегенiмiз – нан. Нан – бақытты өмiрдiң бастауы, өзегi. Нан – қасиет, нан - береке, нан - мереке, нан сән салтанаттың алтын дiңгегi. Атамыз ертеде ардақтысын нанмен қарсы алып, алыс сапарға бiр уыс топырағы мен бидай күлшесiн берiп аттандырған. Нан- тiршiлiк ұраны. Ақ дастарқан үстiнде бiр үзiм нан жатса, жарасып тұрады. Түсiне бiлген адамға бiр үзiм нан – қанша тiршiлiктiң тынысы, бiр түйiр дән – қанша адамның маңдай терiнiң жемiсi.
16 қазан күні Тобыл кенті «Думан» Мәдениет Үйінде жыл сайын өтетін «Мен және менің әжем» сайысы Нан күніне арналды. Сайыстың тәртібі бойынша әр отбасы өздерін таныстырып өтті. Ал, өнер сайысына немерелері де, әжелері де үлкен дайындықпен келген. «Кім жылдам» ойынында немерелер ғана қатысып, өз шапшаңдықтарын көрсетті. Әжелер де, негізгі тақырып нан күніне арналғандықтан, мақал- мәтелдер жалғасын табуда өте тапқырлық танытты.Үй тапсырмасына берілген «Ас атасы- нан», яғни бауырсақ, шелпек, тандыр нан, самса, пирог дайындалып, оның жасалуы түсіндірілді.
1-орынды тақырыпқа сай дайындалған, би билеп өнер көрсеткен Турткараева Аксана мен шағын көрініс қойып, әділқазылардың ерекше назарына түскен Жаворонкова Светлана Григорьевна әжесі жеңіп алды. 2-орынды әдемі ән айтқан Мақсұтхан Бекзада мен өзі жазған өлеңін шебер оқыған Муканова Жанар Маметовна әжесі иеленді. 3-орынды таныстыру сәтін көркемсөзбен өрнектеген Сахан Нұрым мен әдемі сазды ән шырқаған Тай Жаңылсын Жүсіпқызы әжесі иленді.
Нан – біздің Отанымыздың байлығы ,халықтың негізгі тамақтану өнімі болып табылады. Дастарқаныңыз берекелі болсын десеңіз, үйіңізге ырыс кірсін десеңіз, отырған адамдардың ықылас-пейілі өз шаңырағыңызға аусын десеңіз, алдымен дастарқаныңызға нан қоюды ұмытпаңыз. Өйткені, жай нанның өзінде пенделердің көзіне көрінбейтін адамдарды тартатын қасиет бар. Еліміздің күш-қуаты болып, дастарқанымыздың тұздығын келтірген қасиетті нанымызды қадірлей білейік.

• < Назад
• Вперёд >