Сайт газеты МАЯК

«Coca-Cola Белестері» байқауының қорытындысы

Подробности

Категория: Последний номер

Создано 06.11.2019 15:12

Автор: Балзина Атимтаева

Просмотров: 290

Коалиция «Әлеуметтік динамика» ҚҚ-мен бірлесіп «Coca-Cola Белестері» әлеуметтік жобасын табысты жүзеге асыруда.
«Coca-Cola Белестері» жобасы бизнес-тренингтерге қатысуға, қаржылық білім мен дағды алуға, пікірлестер мен кураторлар тарапынан кеңес алуға, сондай-ақ алғашқы қаржылық қолдауға мүмкіндік беру жолымен бүкіл Қазақстан бойынша әйелдерді бизнеске тартуға бағытталған. Ауданымыздан бизнесвумен «Ержанова» ЖК-нің басшысы Наталья Валеевна Ержанова қатысып, ең ірі деген кәсіпкерлер арасынан суырылып шығып, жеңіске жетті.

- «Coca-Cola Белестері» жобасы әйелдердің бизнес негіздері бойынша өңірлік тренингтерге және ең үздік бизнес-идеяға арналған республикалық конкурсқа қатысуын көздейтін, қатысушылардың қоғамдағы экономикалық дербестігін күшейту үшін Coca-Cola-дан қаржылық қолдау алу мүмкіндігімен өсудің өзіндік сатысын білдіреді,» - дейді кәсіпкерлік бөлімінің басшысы Мира Қаскеева. – Өткен жылы «Coca-Cola Белестері» жобасына ауданымыздан 10 кәсіпкер ұсынылған болатын,бірақ, өкінішке орай, ешбір кәсіпкер жеңіске жете алмады. Наталья Валеевна Ержанова Жітіқара қаласында өткен іскер әйелдер форумына барып келіп, өзіне жақсы шабыт алып, кәсіпкерлік бөлімімен бірге «Coca-Cola Белестері» жобасына өтінім берген. Жобадан өтіп,5-ші қазан күні Нұр-Сұлтан қаласында өзінің бизнес-жоспарын қорғаған болатын. Бүгінде,міне, жеңіске жетіп отыр. 8-ші қазан күні Наталья Валеевна Ержанова Республикалық форумда арнайы сертификатпен марапатталатын болады. Естеріңізге сала кетейік, «Ержанова» ЖК Май ауылдық округінде сыр өнімін өндірумен айналысатын цехтардың бірі болып табылады. Алдағы уақытта Наталья Валеевна өзінің бизнес-жоспарымен бөлісіп, келесі қолға алғалы отырған кәсібімен бөліседі деген ойдамыз.

• < Назад
• Вперёд >