Элеватордағы нәзік жандылар

b_600_290_16777215_00_images_images_2019_45_45-2019_3.jpg«Тобыл элеваторы» 1939 жылы АҚК ретінде құрылды. 1993 жылы кәсіпорын жекешелендіріліп, «Тобыл элеваторы» акционерлік қоғамы болып қайта құрылды.


Дәл осы Тобыл кентіндегі «Тобыл элеваторында» жұмыс істейтін нәзік жандылар туралы айтатын боламыз. Зертхана бөлімінде бүгінгі таңда 6 нәзік жанды қыздарымыз жұмыс атқарып жатыр. Олардың әрқайсысы санаулы уақыт ішінде адал еңбектерімен де марапаттарға ие болған жандар.
Осы өндірістік-технологиялық зертхана бөлімін басқарып отырған басшы Татьяна Алексеевна Ересько «Тобыл элеваторында» 1993 жылдан бастап жұмыс атқарып келе жатыр. Татьянаның айтуынша: «Өзіне жүктелген міндеттерге сәйкес біздің зертханамызда қыздарымыз мынадай функцияларды орындайды: кәсіпорынға келіп түсетін астықтың, өнімнің, шикізаттың сапасын тексереді, сонымен қатар, олардың сапасы белгіленген кондициялар мен нормаларға сәйкес келмеген жағдайда, тиеуге жол бермейді. Зертханалық талдау нәтижелерінің негізінде өнімнің, қалдықтардың қабылданатын, босатылатын партиясының сапасы туралы құжаттарды береді,»- дейді өндірістік-технологиялық зертхана бөлімі басшысы.
1989 жылдан бастап «Тобыл элеваторында» жұмыс жасап келе жатқан жандардың бірі өндірістік-технологиялық зертхана бөлімі басшысының орынбасары Надежда Васильевна Кириллова. Қостанай қаласындағы техникумды тәмамдап, Тобыл кентіне келіп, элеваторда жұмыс істей бастаған. Басында лаборант болып жұмыс атқарған Надежда Васильевна, бүгінгі таңда осындай үлкен дәрежеге қол жеткізіп отыр.
Раушания Утепова 1990 жылдан бастап жұмыс істеп, уақытша қызметін тоқтатқаны туралы сөз етті. Уақыт өте келе элеваторға қайта оралып, бүгінгі таңда инженер лаборант болып жұмыс жасап жатыр. Раушанияның айтуынша: «Мұнда үйренетін тың дүниелер көп. Біз өнімнің сапасын бақылаудан өткіземіз»,- дейді.
Лидия Викторовна Волкович техник-технолог болып «Тобыл элеваторында» 20 жыл көлемінде жұмыс жасап келе жатыр. Бұл жұмысты шын ынтасымен істеп, мамандығының қызықтығы туралы да сөз етті.
Атқарған еңбек жолы көп болмаса да, қазіргі таңда білікті мамандардың бірі Ирина Анатольевна Волкович. Басында келгенде қорқыныш болмады емес болды, бірақ, осында біраздан бері жұмыс атқарып жатырған мамандардан үйренгенім көп болды деп өз ойымен бөлісті.
Бұл жандардың «Тобыл элеваторына» сіңірген еңбектері зор десек, қателеспегеніміз, күн демей, түн демей, бар күш-жігерін осы астық өндіретін бөлімге жұмсап келе жатқан нәзік жандыларды келіп жеткен мерекелерімен шын жүректен құттықтаймыз! Жұмыстарыңызға тек қана табыс тілейміз!


 
Яндекс.Метрика
Курс валют в Казахстане