Бүгінгі бейнет – ертеңгі зейнет...

b_600_290_16777215_00_images_images_2019_48_7.jpgҚазақстандағы жергілікті өкілді орган мәслихат - Облыс немесе аудан халқы сайлайтын сайланбалы орган болып табылады.


Осы аптадағы санымызда ардагер депутат туралы сөз етпекпіз. Жасалынған жұмыстары мен қазіргі таңдағы байланыс туралы айтамыз. Асылбек Мәди Оразалыұлы (фотода ортасында) 1942 жылы дүниеге келген. «Құрмет белгісі» орденінің игері. Сол жылдары №6 Қайранкөл сайлау округінен депутат болып сайланған. Асылбек Оразалыұлы ауылдық округтердің өркендеп дамуына көптеген үлес қосқан жан деп айтсақ, қателеспегеніміз. Бүгінгі таңда Асылбек ағамыз Қостанай қаласында, шағын сұхбат барысында ағамыз өзінің сол жылдардағы еңбектерімен бөлісіп кетті. Десе де, қазақтың қанына көп сөз бен мақтаншақтық жат дүние деген ағамыз: «Жасалынған еңбектерін халық естерінде сақтаса болғаны, мен үшін оның өзі мәртебе. Істелінген жұмыстар мен еңбектер барлық халықпен бірге жасалынған десем өтірік айтқаным емес. Оны қайта еске салудың қажеті жоқ деп ойлаймын»,- деді Асылбек ағамыз. Аудан мәслихаты Асылбек ағамыздың атқарған міндеттері мен еңбектері жетерліктей екенін сөз ге тиек етті.
Асылбек ағамыз ауылдық дәрігерлік амбулаториясының меңгерушісі болған. Ауылда дәрігер болмаса да, дәрігерлік амбулатория мен жабдықтары, оның ішінде стоматологиялық кабинетін сақтап қалған.. Осының бәрі халық үшін екені сөзсіз. Өз заманының адал еңбеккері қазіргі таңда Бейімбет Майлин ауданына мақтаныш болып, жастарға үлгі десек, қателеспегеніміз.
Ағамыз өз округi сайлаушыларымен тұрақты байланыс жасап отырған. Сол жылдардың депутаттары өзін саясат, мемлекеттік органдардың басшылары, ірі кәсіпорындардың басшылары ретінде жүзеге асырды, олар әлеуметтік-экономикалық дамуға үлкен үлес қосты.
Бүгінгі таңда Асылбек ағамыз - қыздары мен жиен немерелерінің қызығын көріп отырған қариялардың бірі. Асылбек ағамызға мықты денсаулық, бала-шағасының көзайымы болып жүре беруіне тілектеспіз.


 
Яндекс.Метрика
Курс валют в Казахстане