Мемлекеттік рәміздер - ұлт мақтанышы

b_600_290_16777215_00_images_images_2019_23_45556786hjhj.JPG«Алтын күн аспаны,Алтын дән даласы,Ерліктің дастаны,Еліме қарашы!» деп шырқалатын мемлекеттік Әнұранымыз, Елтаңбамыз, Туымыз бар. 4 маусым Қазақстан Республикасының Мемлекеттік рәміздер күні мерекесі Е.Өмірзақов атындағы мәдениет үйінде мерекелік бағдарламамен өтті.


Мемлекеттік рәміздер – мемлекеттің тәуелсіздігін білдіретін нышан. Мемлекеттік рәміздер тәуелсіздік нышаны ретінде ерекше қадірленеді.Олардың түр-түсі мен ресми қолданылу тәртібі Конституцияда немесе Конституциялық заңда белгіленеді. Бұл Мемлекеттік рәміздерге биік мәртебе береді, сондықтан да мемлекет адамдарға Мемлекеттік рәміздерді қастерлеуді парыз етеді. Мемлекеттік рәміздерді қадірлеу еліміздегі азаматтардың мемлекет тәуелсіздігін құрметтеуді нығайтып, жасөспірімдердің отансүйгіштік сезімін қалыптастырады. Е. Өмірзақов атындағы мәдениет үйінде Мемлекеттік Рәміздер күнін құрметтеу мақсатында "Нұр Отан" партиясы төрағасының бірінші орынбасары, облыстық мәслихат депутаты Айнаш Молдакишқызы Даданова құттықтау сөз сөйледі. Сонымен қатар, аудан өнерпаздары аудан тұрғындарына әдемі ән, билерімен жақсы көңіл-күй мен патриоттық сезім сыйлай білді. Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Және Рәміздерді құрметтеу Қазақстан Республикасының әрбір азаматының міндеті.


 
Яндекс.Метрика
Курс валют в Казахстане