«Ұлттық домбыра күні» аталып өтті

b_600_290_16777215_00_images_images_2019_27_27-2019-13.jpg1-ші шілде күні аудандық Е.Өмірзақов атындағы мәдениет үйінде «Ұлттық домбыра» күні аталып өтті.


Домбыра – бұл тек музыкалық аспап емес. Домбыра-қазақ халқының символы іспетті. Ол-қазақ үшін тұтастай әлем, оның бүкіл өмірі. Халықта «Қазақтың жаны - күмбірлеген домбыраның үнімен өмір сүреді», - деген сөз бар. Екі шекті болса да мүмкіндігі кең, ұлттық домбыра-қазақ тарихындағы түрлі оқиғалар желісін қойнына сыйдырып, ғасырлардың сырын сақтап, бүгінгі күнге жеткізген, құдіретті аспап.Сондықтан, аталмыш іс-шарада аудан өнерпаздары өздерінің өнерлерін ортаға салды. Күмбірлеген домбыра үнімен жас буын да өнерлерімен тәнті етті. «Нағыз қазақ – қазақ емес, нағыз қазақ – домбыра» деп аталатын, «Рухани жаңғыру» бағдарламасы аясындағы, аталған кеште домбырадан сандаған тәтті күй төгіліп, оның сүйемелдеуімен сан алуан әсем әндер әуеледі. Аудандық ұлттық ансамбілінің қатысуымен өтетін мерекелік іс-шарада Құрманғазының «Балбырауын», «Сарыарқа» күйлері орындалды. Айнұр Ахмет, Мамай Ізтілеу, Айбек Қабылдин сынды әншілеріміз де өнерлерін паш етті. Әрине, бір қынжылтатыны, көрермендердің аз болғандығы. Елдігімізді таныта отырып, күй, терме, ән өнерінің қалықтауында өзіндік рөлге ие болған домбыраның алар орны қашан да ерек екенін әрбір адам білсе екен деген ниеттеміз. Алдағы уақытта да бабалардың мұрасы болған домбыра үні өшпесін. Ұлттық домбыра күні мерекесі құтты болсын!


 
Яндекс.Метрика
Курс валют в Казахстане