Әлеуметтiк қызметкерлер күнi

b_600_290_16777215_00_images_images_2020_43_2910202043_12.jpgӘлеуметтік сала - мемлекеттің ең маңызды саласы. Бiздiң мемлекетте қарттар мен мүгедектерге, мүгедек балаларға, өмiрлiк қиын жағдайдағы отбасыларға үлкен көңiл бөлiнедi.
Жыл сайын қазан айының соңғы жексенбісі Әлеуметтiк қызметкерлер күнi. Бұл жалғыз басты қарттарға, мүгедек балалардың және басқа да азаматтардың мұң-мұқтажына бейжай қарай алмайтын мейiрбан жандардың мерекесi. Аталмыш мерекеге ортақ болған, әлеуметтік қызметкерлерді мерекесімен құттықтап, жылы лебізін аудан әкімінің орынбасары Назгүл Асқарқызы Манасова білдірді.
- Біздің бөлімшеде әлеуметтік қызметкер атағын абыроймен алып жүрген, өз жұмысына шын ықыласпен кірісетін жандар еңбек етеді. Олардың қартайған кісілерге деген жанашырлығын ерекше атап өтуге болады,-дейді жұмыспен қамту және әлеуметтік бағдарламалар бөлімі басшысы Людмила Мальчевская.
Мерекенің салтанатты сәті осы қиын, бірақ қажетті кәсіптегі үздік қызметкерлерді марапаттау болды. Әлеуметтік қызметкер күнін мерекелеуге орай облыс әкімінің грамотасымен аудандық «Мүгедектер қоғамы» қоғамдық бірлестігінің төрағасы Павел Владимирович Абрамов және 16 жылдан бері әлеуметтік қызметкер болып жұмыс істеп келе жатқан Гүлнара Альмухамбетова марапатталды. Сонымен қатар, аудан әкімінің алғыс хатымен Людмила Вишнивецкая, Мария Золотова, Валентина Кашенкова құрметтелді.
Бұл қызмет тек қана кең жүректі, өзінен гөрі өзгеге болсын дейтін адамның ғана қолынан келері анық. Қызметте болсын, жеке өмірде, жалпы айналамызда осындай мейірімді адамдардың көп болғаны қандай ғанибет.


 
Яндекс.Метрика
Курс валют в Казахстане