Еңбектерінің зейнетін көруде

b_600_290_16777215_00_images_images_2018_40_40-2018-4.jpgАуданымызда қазан айының алғашқы күні Қарттар мерекесін атап өту жақсы дәстүрге айналды. Бұл айтулы күн қадірлі, дана, сыйлы, тайынбайтын және шыдамды, есімдері үлкен әріптен жазылатын кісілерге арналған. Сондықтан, мерекелік іс-шаралар бір апта бойы аталып өтіледі.


Қазанның 2-ші жұлдызында аудандық мәдениет үйінің шығармашылық тобы Асенкритов ауылдық округіне қарасты Варваринка ауылының зейнеткерлерін құттықтады. Жергілікті мектептің қабырғасында жайылған дастарқанның басында елді-мекеннің барлық қарттары жиналды. Ауылдық округ әкімі Марат Баяков, «Варваринское» АҚ жұртшылықпен байланыс жөніндегі бөлімнің басшысы Антон Труханов, Асенкритов ауылдық округінің ардагерлер кеңесінің төрағасы Николай Ионенко, мектеп директоры Гүлжамал Кульжанова жиналғандарға еңбектерінің зейнетін көріп жатқан шақта амандық тіледі. Арнайы шақырылған жандардың өмірлік тәжірибелері мен ақыл-кеңестері, тәлім-тағылымдары біз үшін орны бөлек. Себебі, олардың әрқайсылары өңіріміздің өсіп-өркендеуіне қосқан үлестері мен еңбектері ерен.
Талай жасты тәрбиелеп, ізбасарларды өсірген ата-әжелеріміздің көңілін сергітіп, әуелеген әсем әндерін сыйға тартқан әртістер ауылдықтардың есте қаларлық мерекелік іс-шарасына жыл сайын қатысады. «Варваринское» акционерлік қоғамы да демеушілік жасап, өз үлестерін қосып отырады. Осы орайда, Қарттар күнінің ұйымдастырылуына ұйытқы болған мектеп директоры өнерпаздарды және алтын өндіретін кәсіпорынның әкімшілігіне ризашылық білдірсе, ауыл тұрғындары сырттан келген қонақтарға, Гүлжамал Темірқанқызына алғыстарын білдірді. Мерекелік бағдарламаның сәнін марапаттаулар, тосынсыйлар аша түсті.


 
Яндекс.Метрика
Курс валют в Казахстане