Сайт газеты МАЯК

«Бейімбет Майлин-өлкеміздің мақтанышы»

Подробности

Категория: Главное

Создано 03.10.2019 05:59

Автор: Балзина Атимтаева

Просмотров: 1318

26 қыркүйек күні Бейімбет Майлин ауданында Б. Майлиннің туғанына 125 жыл толуына орай «Бейімбет Майлин – өлкеміздің мақтанышы» атты мерекелік іс – шара өткізілді.

Бейімбет Майлин-қазақ әдебиетінің туылуына және қалыптасуына көп үлес қосқан жазушы. Ол- проза, поэзия және драматургия сияқты жанрларының өркендеуіне және дамуына үлкен үлес қосқан. Майлин туған ауылын, туған халқын, туған жерін шын жүректен жырлады. Б.Майлиннің шығармашылығы - жас ұрпақ үшін керемет әдеби мектеп. Дүбірлі той қарсаңында жақсы жаңалықтарға толы болды. Соның бірі, ауданымыздың өз атауы жуырда ғана ҚР Президентінің Жарлығымен Бейімбет Майлин ауданы деп өзгертілді. Қаламгердің 125 жылдығы қарсаңында бұл тамаша жаңалық қалың қазақ жұртының, соның ішінде Би-ағаның ұрпақтарының рухын асқақтатып, ел мерейін көкке көтерді. Халқымызда «таулардың биіктігі алыстаған сайын білінеді» деген сөз бар. Бейімбет Майлиннің дара тұлғасы уақыт өткен сайын асқақтап, оның шығармалары халықтың асыл қазынасына айналды. Би ағамыздың мерейтойында Бейімбет Майлин қоғамдық қоры директорының бұйрығымен ауданымыздың азаматтары мен азаматшалары «Бейімбет Майлиннің туғанына 125 жыл» мерекелік төсбелгісімен марапатталды. Би ағамызға арналған іс-шара қонақтары мен тұрғындары үшін облыстық драма театрының «Өз халқының лайықты ұлы» атты қойылымы ұсынылды. Театрдан Би ағамыздың елі үшін жаны ашып, ұлт намысын сақтап қалу үшін қолдан келгенннің барлығын жасаймын деп жүргенде, тұтқындалып, «Халық жауы» деген атпен атылып кеткенін анық көруге болады. Бейімбет Майлин өз дәуіріндегі шындықты жеріне жеткізе суреттеді. Ол халқымыздың басына алмағайып заман орнап, ұлтымыздың тағдырына қауіп төндірген ашаршылық, жоқшылық сияқты дәуірлерді бүкпесіз, жасырмай жазған қаламгердің бірі де, бірегейі екенін театр ұжымы көрермен қауымына жеткізе алды. Әрі қарай Қазақстан Республикасына танымал, атап айтсақ, халықаралық байқаулар мен фестивальдердің лауреаты, «Мәдениет қайраткері» белгісінің иегері, Қостанай облыстық филармониясының солисі Серік Әбілев, «DosStar» вокалдық тобы, Қазақстан Республикасының еңбек сіңірген қайраткері Гүлбану Абдулина сынды сахна саңылақтары халықаралық байқаулардың лауреаты, «Ақжелең» фольклорлық-этнографиялық ансамблімен қоса ән шырқады. Ауданымызға осынау мерейтойға, аудан тұрғындарының қуанышымен бөлісіп, тұрғындарға өздерінің ән шашуларын тарту ету үшін Жітіқара қаласы, Денисов ауданы, Лисаков қаласы ұжымдары келіп, өз өнерлерін паш етті. Концерттік бағдарламада аудандық Е.Өмірзақов атындағы мәдениет үйі өнерпаздары да таса қалмады. Аудан тұрғындарына ерекше көңіл-күй сыйлай білді. Айта кетейік, Би ағамызға арналған дүбірлі тойдың бас демеушісі «Варваринское» АҚ болып табылады.

• < Назад
• Вперёд >