22-наурыз – Наурыз мейрамі

b_600_290_16777215_00_images_images_2018_12_12-2018-8.jpgС.Ерғалиев атындағы мектеп жанындағы интернатта тәрбиеленушілердің арасында «Ұлыс күні - Наурыз» мерекесіне арналған кеш өтті.

 

Кештің мақсаты – Наурыз мейрамы туралы түсінік беру арқылы қазақ халқының салт-дәстүрін көрсету және оны құрметтей білуге тәрбиелеу. Тәрбиеленушілердің кеш ұйымдастыру сахнасы наурыз мерекесіне сай әртүрлі сурет бейнелерімен, шарлармен безендірілді.

Тәрбиеленушілеріміздің бал-бұл жайнаған жүздері мен екі езуі күлкіге толы келбеттерін көргенімде, көкірегімді қуаныш кернеп, шаттыққа бөленіп, марқаямын. Міне, мерекелік кеш те басталды. Залды кернеген әуен, әсем әндер жиналғандарға ерекше бір көңіл-күй сыйлады. Мерекелік кеште белсенділік танытып, өнер көрсеткен ұл-қыздар көрермендердің көңілінен шығып, қошеметтеріне ие болды. Әсіресе, орыс ұлтының тәрбиеленушілеріАстафьева Оляның, Масольд Настяның, Оспанова Мадинаның, Токанова Әйгерімнің «Наурыз» қазақ әнін тамылжытып айтуы, қазақ биін мың бұралып билеуі тамаша болды. Сонымен қатар, тәрбиешілер ұйымдастырушылардың қазақ халқының салт-дәстүрлерін көрсеткеніне, «Тұсау кесу» рәсімін жасағанына, ақ жаулықты әженің шашқан шашуына мәз болды. Мерекелік бағдарламадан кейін барлығы да қазақ ұлтының тағамдарына толы болған дастарқанға шақырылды. Кеш соңы көңілді биге ұласты.

Осы мүмкіндікті пайдалана отырып, С. Ерғалиев атындағы мектеп ұжымын, интернат ұжымын және барша қауымды Ұлыс күні мерекесімен шын жүректен құттықтап, зор денсаулық, бақыт, еңбекте табыс тілеймін!

 


 
Яндекс.Метрика
Курс валют в Казахстане