User Registration

or Отмена

Өз кәсібіңізді ашуға асығыңыз

b_600_290_16777215_00_images_images_2018_16_16-2018-4.JPGАуданымызда ауылдық кәсіпкерлерге Бағдарламаның екінші бағытына сәйкес бизнесті жүргізу негіздеріне дайындау курсын өту мүмкіндігі берілуде. Бизнес идеяларды жүзеге асыруға көмектесетін жоба өз жұмысын бастады.

 

Кәсіпкерлер палатасының аудандық филиалының директоры Наталья Руднева: «16-сәуірден бастап аудан орталығында халықты кәсіпкерлік дағдыларға үйрету мақсатымен 25 күнге созылатын курс басталды. Бұл курс басталғанға дейін оқуға өтініш беру, үміткерлеріміздің жобаға сәйкес келуі үшін жұмыспен қамту орталығымен келісу, тестілеу өткізу және соның нәтижесі бойынша үйренушілерді тізімге қосу секілді бірқатар жұмыстар атқарылды.Бизнес-тренер Шолпан Маханованың жетекшілігімен топтық практикалық «Бастау» тренингіне 43 тыңдаушы кірісті», - дейді ол.

Сейсенбі күні өткен курсқа біз де қатыстық. Айта кету керек, аталмыш оқу өте тартымды, әрі қатысушылардың басым бөлігі белсенділік танытып отырды. Бизнес-тренер де олардың идеяларымен, ойларымен бөлісуіне ықпал етіп, әр тыңдаушыны қызықтыра білді.Әсіресе, спорт саласындағы бизнес жайлы тақырып қызу пікірталас туғызды. Мысалы, бірі спорттың түр-түрімен шұғылдануға мүмкіндік беретін заманауи спорттық нысан ашу қажет екендігін, енді бірі оның аудан орталығында да, Тобыл ауылында да дамымайтынын дәлелдеуге барынша тырысты. Әрине, курс осы сынды бір ғана тақырыппен шектелген жоқ. Он екі тақырыптық топтамаға бөлінген оқу барысында өзге де салалар, тақырыптар қамтылады. Уақытты тиімді пайдалану – табысқа жетудің кепілі екендігін ескере отырып, курста «алтын» уақытыңызды зая кетірмей, білім қорыңызды толықтыратыныңыз сөзсіз.

Өзін-өзі жұмыспен қамтушы, жұмыссыз және кәсіпкерлікпен айналысуды жаңадан бастап жүрген жандар да бағдарламаға қатыса алады. Оларға оқуға қатысқаны және оқуды аяқтағаны жайлы сертификат беріледі, әрі біржолғы шәкіртақы төленеді. Келесі оқу 23-ші мамырда өтеді. Сұрақтарыңыз болса, өтініш бергіңіз келсе, кәсіпкерлер палатасының филиалына (тел.:4-90-67), Жұмыспен қамту орталығына (тел.:3-62-73) және ауылдық әкімдікке хабарласуыңызға болады.

 


Канал на YouTube