User Registration

or Отмена

Жерді пайдалануда оң өзгерістер болмақ

b_600_290_16777215_00_images_images_2018_17_IMG_9789654368.JPGАпта басында Денисов ауданының орталығында жерді пайдалануда заңға енгізілетін өзгерістер жайын түсіндіру мақсатында кеңейтілген жиын өтті.

 

Оған Жетіқара, Қамысты, Таран және Денисов аудандары әкімдерінің орынбасарлары, ауылдық округ әкімдері, жер қатынастары бөлімінің басшылары, кәсіпкерлер палатасының өкілдері, ауылшаруашылық саласының өкілдері және БАҚ өкілдері қатысты.

Алдыменен облыстық жердің пайдаланылуы мен қорғалуын бақылау басқармасы басшысының орынбасары Г.Мағзумов жер Заңына енгізілетін өзгерістер туралы кеңінен әңгімелеп, оның тиімді жақтарына тоқтады. Бұдан кейін облыстық жер қатынастары басқармасы басшысының орынбасары А.Ділдәбеков жер Заңына енгізілетін өзгерістерді сала-салаға бөліп түсіндірді.

- Бұл түсіндіру жұмыстарының басы. Біз әлі де осы өзгерістерге байланысты көптеген жиындар, арнайы семинарлар, тиісті мамандарға оқулар ұйымдастырамыз. Сондай-ақ, жер Заңына енгізілген өзгерістер арнайы сайттарда, баспа беттерінде жарияланатын болады,- деді А.Ділдәбеков.

Жиын барысында ауылдық округ әкімдері мен ауылшаруашылық саласының басшылары аталмыш заңға енгізілетін өзгерістерді әлі де пысықтаса, кейбір мәселелерді қайта көтерсе деген өтініштерін білдіріп, өз сауалдарын жолдады.

 


Канал на YouTube