Сайт газеты МАЯК

Дарынды шәкіртіммен мақтанамын!

Подробности

Категория: Последний номер

Создано 19.03.2020 06:46

Автор: Гүлнар Хасенова, Тобыл ОМ қазақ тілі мен әдебиеті пәнінің мұғалімі

Просмотров: 756

Биыл бұл оқушымен жұмыс істегеніме 3 жыл толады. «Ұстаздан шәкірт озар жарысқанда» демекші,қабілетті оқушыларым баршылық.Соның ішінде мақаламда 5-ші сынып оқушысы Айгерим Ткач жайлы сөз қозғаймын.

Айгерим ұлты украин болса да,қазақы тәлім тәрбие алуда. Айгерімді бірінші жылдан бастап қазақтың салт- дәстүрімен таныстырып,қазақша әндерді үйретіп, пәнге деген қызығушылығын арттырдым. Ол қосымша ұлттық ойындар мен ұлттық тағамдар туралы оқып, көп материалдар жинады,өте тиянақты, ізденімпаз әрі дарынды оқушы.
Жас болса да осы жылдар ішінде жеткен жетістіктері мен алған марапаттары мол. Ол бірнеше республикалық,аудандық, облыстық сайыстардың, мектепішілік байқаулардың жүлдегері.Атап айтатын болсам: Ақтөбедегі Жастар сарайында ІІІ Республикалық дарынды балаларға арналған форумында Айгерімге Көкшетау қаласындағы «GLUCKLICHE KINDER» ғылыми –білім сауықтыру орталығына жолдама берілді. «Гордость Республики Казахстан-2019» деген лентасы тағылды. Аудандық «Тіл шамшырақтары» сайысында 1-ші орын жүлдегері, биыл Ұлы Абайдың туғанына 175 жыл мерекесіне орай ауданымыздағы «Алтын ғасыр» шығармашылық орталығының «Өлең-сөздің патшасы,сөз сарасы» атты Абай шығармашылығымен байланысты Республикалық өнер байқауының «Көркем сөз» аталымы бойынша қара сөзін мәнерлеп оқығаны үшін 1-ші орынға ие болып, арнайы диплом ұсынып,алтын төсбелгісімен марапатталды. Ал осы жақын арада Республикалық «Алтын ғасыр»шығармашылық орталығының «Алаш ардақтылыра атты» «көркем сөз» жанры бойынша бас жүлдеге ие болды. Арнайы диплом мен Алтын төсбелгісі және сыйлығын алды. Ең бастысы талапты қыз. Алаш туының биік тұрғанын қалайды. Қазақ халқының тілін білу,өзінің азаматтық борышы деп санайды. Алдағы уақытта шәкіртіме шығармашылық табыс тілеп, келешегінен үлкен үміт күтемін.

• < Назад
• Вперёд >