Сайт газеты МАЯК

«Құзыреттілік -табысты оқыту» мұғалімдердің аудандық семинары өтті

Подробности

Категория: Последний номер

Создано 02.02.2023 06:52

Автор: Майра Дүзбайқызы

Просмотров: 350

Өткен аптада №2 Тобыл жалпы білім беретін мектебі» КММ «Құзыреттілік - табысты оқыту мұғалімдердің үздіксіз дамуындағы кәсіби құзыреттілік деңгейін оңтайландыру» атты семинар өтті.
Семинар жұмысына Б.Майлин ауданына қарасты мектептерден 30-ға жуық мұғалім қатысты. Аудандық семинар жұмысы 3 кезең бойынша ұйымдастырылды: пленарлық бөлім, ашық сабақтар және шебер-сыныптар. Семинардың негізгі мақсаты ынтымақтастық оқу жағдайында әріптестермен қарым- қатынас жасау отырып, өз идеяларын ұсына білуге, әр түрлі ұстанымдар мен тәсілдермен алмасуға үйрету, тәжірибе алмасу, сабақта табысқа жетудің тәсілдерімен алмасу болып табылды. Семинарды мектеп басшысы Алиева Гүлнар Расулқызы ашып, келген қонақтарға семинардың бағдарламасымен таныстырды. Мектеп ұстаздары ашық сабақ көрсетті. Математика мұғалімі А. Дүйсенбаева «Санның логарифмі және оның қасиеттері», физика пәні мұғалімі А. Хасенова «Энергияның сақталу және айналу заңы» тақырыбында 9-сынып оқушыларымен ашық сабақ өткізсе, , ал химия пәнінің мұғалімі А. Шайқығали «Периодтық кестенің құрылымы» тақырыбында ашық сабақтар жүргізді. Аталған мұғалімдер сабақ барысында оқушыларды олимпиадаларға және ғылыми жұмыстарға дайындау бойынша жұмыстың әр түрлі әдістерін көрсетті. Сонымен қатар семинар аясында физика пәнінің мұғалімі А.Хасенова озық педагогикалық тәжірибесін таныстырды. «Оқуға құштар мектеп» жобасы аясында шебер-сабақ ұйымдастырылды. Мектептің педагог- психологы Лескенов Ырысхан «Ертегі- терапия» атты тақырыпта тәжірибесімен алмасты. Сонымен қатар Қостанай қаласындағы «Назарбаев Зияткерлік мектебі» ұстаздары Ажмухамбетов Амир Серикович пен Аликулова Марал Сейсенбековна келіп, «Мектепте Lesson Study үдерісін ұйымдастыру» тақырыбында коучинг ұйымдастырды. Шеберлік сабақта «Экшн ричерс» арқылы «Lesson Study» бағдарламасы бойынша балалармен жұмыс істеудің шетелдік әдісін көрсетті.
Семинар барысында «Үндестік» жобасы аясында мектебіміздің ата- аналар тобынан құрылған өнер ұжымы және оқушылары қонақтарға әдемі таңғы көңіл күйді әсерлі күймен сыйлады. Жаңа форматта ұйымдастырылған семинар барысын жүргізген 9-сынып оқушысы Алтай Айзере мұғалімдермен сұхбаттаса отырып, семинарды жандандырды. 4- сынып оқушылары Мақсұтхан Бекзада мен Қуантай Мерейім қазақтың «Бипыл-ай» ұлттық әнімен әрлеп, мектепалды бүлдіршіндері «Асық» биін билеп, өнерлерін паш етті. Оқушылар өнері қонақтардың көңілдерінен шықты. Осы семинарды ұйымдастырғаны және өткізгені үшін білім бөлімінің басшысы А.Т.Алимбаеваның атынан мектеп басшысы Г.Р.Алиеваға алғыс хат тапсырды. Сондай- ақ, тәжірибе таратқан ұстаздарға да алғыс хат табысталды. Семинарға қатысқан педагогтар мектеп басшысы Г.Р.Алиеваның атынан сертификаттармен марапатталды. Рефлекция кезеңінде семинарға қатысушылар дайындалған бағдарламаның барлығы жоғары деңгейде өткенін айтып, жақсы бағаларын, ризашылықтарын білдірді.
Мұғалім өз ісінің маманы болуымен қатар, оның бойында баланы жақсы көру, баланың көзқарасын мен пікірін сыйлау, тек өз пәнінің төңірегінде ғана қалып қоймай, қоғамда болып жатқан өзгерістерге құлағы түрік, көзі ашық, жан – жақты талдау жасай білетін маман болуы шарт. Ұлы ағартушы Ахмет Байтұрсынұлының: «Бала оқытуды жақсы білейін деген адам әуелі балаларға үйрететін нәрселелерін өзі жақсы білуі керек» деген тұжырымында «Шығармашыл ұстаз шығармашыл шәкірт дайындайды» деген ой айқын аңғарылады. Сөзімді қорыта келе айтарым, құзыреттіліктерді меңгерген мұғалім – шығармашыл шәкірт дайындауға даяр.

• < Назад
• Вперёд >