Сайт газеты МАЯК

«Ахмет Байтұрсынов - ғасыр саңлағы» тақырыбындағы өңірлік семинар

Подробности

Категория: Главное

Создано 10.11.2022 07:39

Автор: Өз тілшімізден

Просмотров: 2832

Өткен аптада Ахмет Байтұрсынұлының 150 жылдығы бағдарламасы аясында аудандық білім бөлімінің ұйымдастыруымен «Ахмет Байтұрсынов - ғасыр саңлағы» тақырыбында өңірлік семинар өткізілді.
Семинардың мақсаты – ұлт ұстазының еңбектерін насихаттау, мерейтойы барысында атқарылған жұмыстар мен тың деректерге жайында мағлұматтар беру, әр өңірден келген ұстаздармен тәжірибе алмасу.
Өңірлік семинарға Жангелді, Амангелді, Әулиекөл, Қамысты, Федоров, Қостанай аудандарының қазақ тілі мен әдебиеті пәнінің мұғалімдері және А.Байтұрсынұлының еңбектерін зерттеп жүрген жас ғалымдар қатысты. Келген қонақтарды Е.Өмірзақов атындағы аудандық мәдениет үйінде «Әйет» ұлт аспаптар ансамбілі күйімен қарсы алды. Пленарлық отырыстың шымылдығын аудандық білім бөлімінің басшысы Айгүл Алимбаева құттықтау сөзбен ашып, семинар отырысына сәттілік тіледі.
Өңірлік семинардың пленарлық отырысы барысында А.Байтұрсынов атындағы өңірлік университет оқытушысы п.ғ.магистрі Ш.И.Тулегенова «Ахмет ілімі: терминология мәселесі», Арқалық қаласының Дала өлкесі тарихы облыстық мұражайының ғылыми қызметкері Б.Ж.Сағынтаев "Ахмет Байтұрсынұлы және қазақ музыка мәдениеті", І. Омаров атындағы Қостанай облыстық қазақ драма театрының әдебиет бөлімінің меңгерушісі Мауданов Абылай «Ахаң жүріп өткен жолмен» экспидициясы. Не көрдің? Не түйдік? ғалымның өмір жолы, ғылыми мұрасы туралы, ғалымның әдістемелік еңбектері, зерттеу экспедициясы туралы баяндама жасап, өздерінің құнды тарихи деректерімен бөлісті.
Аудан бойынша жалпы және орта білім беретін мектептерден қазақ тілі мен әдебиеті пәнінің мұғалімдері мен өңірлерден тәжірибе алмасу мақсатында келген әріптестер екі бағытта, яғни 1-бағыт: «Ахмет Байтұрсынұлы еңбектеріндегі оқыту әдістері мен тәсілдер», 2-бағыт: «Қазақ ғылымының алтын бастаулары ретінде ғылыми-теориялық еңбектерінің маңызы» бойынша өз тәжірибелерін ғылыми баяндама, коучинг, шебер-сынып түрлерінде көрсетіп, ойларын ортаға салды.
Өңірлік семинар барысында Алаш қайраткерінің ел келешегі жолындағы өлшеусіз еңбегін дәріптеу, ұлт ұстазының еңбегін зерделеп, мол мұрасын ұрпақ санасына сіңіру туралы көптеген мәліметтер айтылды. Ахмет Байтұрсынұлының тағылымды ойларымен бөлісіп, сабақ барысындағы қолданылатын әдіс-тәсілдердің қолданылуы бойынша өз тәжірибелерімен бөлісті.
Түстен кейін семинар отырысы Б.Майлин атындағы ЖББМ базасында секция бағытында жалғасын тапты. Секцияда әр өңірден келген мұғалімдер мен жергілікті ұстаздар өзара тәжірибе алмасып, білдірмелер жасады.
Өңірлік семинардың қорытындысында қатысушылар аудандық білім бөлімінің алғыс хатымен марапатталды.
Келген қонақтар аудан орталығының көрікті жерлерін аралап, Б.Майлин атындағы мұражайдың жәдігерлерімен танысты.

• < Назад
• Вперёд >