Сайт газеты МАЯК

Аудандық «Ахмет оқулары» өтті

Подробности

Категория: Главное

Создано 01.12.2022 08:05

Автор: Өз тілшімізден

Просмотров: 2645

Жыл басынан бері ауданда ұлт ұстазы Ахмет Байтұрсынұлының 150 жылдық мерейтойына байланысты іс-шаралар өткізіліп келеді. Әсіресе аудандық білім бөлімінің мұрындық болуымен облыстық, аудандық деңгейде бірнеше шаралар өткізілді.
Өткен аптада аталмыш мекеменің ұйымдастыруымен Юбилейный жалпы білім беретін мектеп базасында Ахмет Байтұрсынұлының туғанына 150 жыл толу мерейтойына байланысты 5-11 сыныптар арасында «Ахмет Байтұрсынұлы – тіл көсемі» тақырыбында аудандық Ахмет оқулары өтті.
Ахмет оқулары байқауы 3 номинация бойынша өтті. Атап айтсақ:
1. «Дәуірдің жарық жұлдызы» - шығармашыл шәкірттер конкурсы Ахмет Байтұрсынұлының әдеби шығармаларынан поэзиялық не прозалық туындысын жатқа әрі мәнерлеп оқу.
2. «Қырық мысал» - Ахмет Байтұрсынұлының мысалдарын сахналау.
3. «Ахмет атаға арнау» - ұлт ұстазына арналған өз өлеңдерін оқу.
Аталған шараға ауданымыздың барлық мектептерінен 86 оқушы, оның ішінде 59 оқушы Ахмет өлеңдерін жатқа, мәнерлеп оқыса, 12 оқушы Ахмет атаға арнаған өз өлеңдерін оқып, «Қырық мысал» номинациясы бойынша әр мектептен 16 қойылымды сахналады. Оқушылардың дайындықтары әр номинация бойынша жеке-жеке 1, 2, 3 орындар арқылы бағаланып, марапатталды. Атап айтсақ, Арнау өлеңдері бойынша Набережный жалпы білім беретін мектебінің 7 сынып оқушысы Оңғарбай Нұрбала, Сапар Ерғалиев атындағы жалпы білім беретін мектебінің 9 сынып оқушысы Айтмағамбетова Әдемі, Тобыл №2 жалпы білім беретін мектебінің 7 сынып оқушысы Шәріпбай Динара өз өлеңдерін оқып, жеңіске жетті.
«Қырық мысал» номинациясында Май жалпы білім беретін мектебінің 7 сынып оқушылары «Маймыл және көзілдірік», Сапар Ерғалиев атындағы жалпы білім беретін мектебінің 5 сынып оқушылары «Өгіз бен бақа», Набережный жалпы білім беретін мектебінің 7 сынып оқушылары «Айна мен маймыл», Тобыл №2 жалпы білім беретін мектебінің 7 сынып оқушылары «Шал мен жұмыскер» Ахмет атамыздың мысалдарынан сахналық қойылымдармен өз өнерлерін көрсетті.
Ахмет оқуларының негізгі мақсаты жалпы білім беретін оқу орындарының оқушылары арасында Алаш қайраткерінің ел келешегі жолындағы өлшеусіз еңбегін дәріптеу, ұлт ұстазының еңбегін зерделеп, мол мұрасын ұрпақ санасына сіңіру болып табылады.
Барлық жеңімпаздар білім бөлімінің мақтау қағазымен марапатталды.

• < Назад
• Вперёд >