Сайт газеты МАЯК

«Абай және Махамбет оқулары» аудандық байқауы өтті

Подробности

Категория: Главное

Создано 13.04.2023 08:22

Автор: Майра Дүзбайқызы

Просмотров: 1325

«Бейімбет Майлин ауданы әкімдігінің тілдерді оқыту орталығы» КММ және «Бейімбет Майлин ауданының білім бөлімі» ММ ұйымдастыруымен, бекітілген жұмыс жоспарына сәйкес, Сапар Ерғалиев атындағы жалпы білім беретін мектебінің базасында 2023 жылғы 7 сәуірде «Абай және Махамбет оқулары» аудандық байқауы өткізілді.
Байқаудың негізгі мақсаты - қазақ халқының әдеби мұраларын дәріптеу, мектеп оқушыларының классикалық қазақ әдебиетін оқуға деген қызығушылықтарын арттыру, Махамбет шығармашылығын және оның туындыларын зерделеуді насихаттау, оқушыларды Қазақстанның ұлы ақын және ойшылдарының шығармашылығына тарту арқылы Қостанай облысының балалары мен жастарының мемлекеттік тілді зерделеуге қызығушылығын арттыру және ұлттық бірегейлігін дамыту, білім алушылардың күнделікті тәжірибеде үштілділікті қолдану дағдысын қалыптастыру болып табылады.
Абай шығармаларындағы эстетикалық талғам мен тұлғалық қасиетті насихаттау, ұлылар поэзиясына, ұлттың рухани мұрасына деген сүйіспеншілікке тәрбиелеу, жалпы білім беретін мектеп оқушылары арасында Махамбет шығармаларын насихаттау жыл сайын өте жақсы нәтиже көрсетіп келеді.
Байқау номинациялар бойынша өткізіліп, ауданның жалпы білім беретін мектептерінен барлығы 36 оқушы қатысты. «Өлең – сөздің патшасы, сөз сарасы» номинациясы бойынша қатысушылардан «№2 Тобыл жалпы білім беретін мектебі» 8 сынып оқушысы Ауғанбай Шахизат, Тобыл №1 жалпы білім беретін 8 сынып оқушысы Досбол Тайшык -ІІ орын, «Новоильинов ЖББМ» 8 сынып оқушысы Сейткалиев Ернар- ІІІ орын, ал «Абайдың қара сөздері» номинациясы бойынша қатысушылардан «Тобыл жалпы білім беретін мектебі» 8 сынып оқушысы Ткач Айгерим- І орын, «№2 Тобыл жалпы білім беретін мектебі» 9 сынып оқушысы Болатова Гүлайым- ІІ орын, Набережный ЖББМ» 8 сынып оқушысы Буранбаева Раушан- ІІІ орынға ие болды. «Көңілім әнді ұғады» номинациясы бойынша қатысушылардан «Новоильинов ЖББМ» 9 сынып оқушысы Бауржан Инабат -ІІ орын, Апанов негізгі орта мектебі 8 б сынып оқушысы Дюсенова Жансая - ІІ орын, Николаев негізгі орта мектебі 8 сынып оқушысы Назарова Лейла-ІІІ орын алды. «Жүйріктен жүйрік озар жарысқанда» номинациясы бойынша қатысушылардан Сапар Ерғалиев атындағы ЖББМ» 9 сынып оқушысы Айтмағамбетова Әдемі -І орын, «№2 Тобыл жалпы білім беретін мектебі» 10 сынып оқушысы Сүлеймен Айжан -ІІ орын, «Тобыл жалпы білім беретін мектебі» 8 сынып оқушысы Шарифьянова Камеля- ІІІ орын алса, «Ұлылар әлемі» номинациясы бойынша қатысушылардан Сапар Ерғалиев атындағы ЖББМ» 8 сынып оқушысы Адилова Арина -І орын, Сапар Ерғалиев атындағы ЖББМ» 10 сынып оқушысы Шаяхметова Камила ІІ орын, Май жалпы білім беретін мектебі 9 сынып оқушысы Цатурян Морела ІІІ орын иеленді. «Махамбет оқулары » аудандық байқауына қатысушылардан «Тобыл жалпы білім беретін мектебі» 8 сынып оқушысы Елемесов Мирас- І орын, «№2 Тобыл жалпы білім беретін мектебі» 9 сынып оқушысы Омарова Дильназ -ІІ орын, «Новоильинов ЖББМ» 8 сынып оқушысы Әскерғали Еркебұлан- ІІІ орынды иеленді.
Аталған номинациялар бойынша мадақтамалар мен естелік сыйлықтар берілді. Сапалы дайындаған ұстаздар алғыс хаттармен марапатталды. Аудандық іріктеу кезеңінің нәтижесінде «Абай оқулары» бойынша төрт оқушы, «Махамбет оқулары» бойынша бір оқушы облыстық кезеңге жолдама алды.

• < Назад
• Вперёд >