Сайт газеты МАЯК

«Өнеріміз саған, Қазақстан!» атты XXXVI облыстық байқау-фестивалі

Подробности

Категория: Главное

Создано 12.05.2023 07:20

Автор: Майра Дүзбайқызы

Просмотров: 1185

«Өнеріміз саған, Қазақстан!» атты XXXVI облыстық көркемөнерпаздардың халық шығармашылығы байқау-фестиваль Бейімбет Майлин ауданында өтті.
Жері жомарт, көптеген ұлт пен ұлыстарды бауырына басқан ауданымыз әрқашан талантты жандарға бай. Жергілікті өнерпаздарға қолдау көрсетіп, олардың өнерін тамашалауға тұрғындар көп жиналды. Жанкүйерлер арасында аудан әкімінің орынбасары Марат Әлмағамбетов болды. Биыл аймақтық дәрежедегі байқау отыз алтыншы рет өтуде. Облыстық байқаудың қонақтары мен қазылар алқасының мүшелерін Е.Өмірзақов атындағы аудандық Мәдениет үйінің алдында әр ұлт шашу шашып, қарсы алды. Мәдениет үйінің фойесінде атадан балаға, ұстаздан шәкіртке «Ұрпақтар сабақтастығы» атты көрініс айтыс, күй, би, театр, зергерлік, шеберлік өнерлері қонақтардың назарларына ұсынылды. Қазылар алқасы мен фестиваль қонақтары «Өнеріміз саған, Қазақстан!» атты көркемөнерпаздардың шығармашылық фестивалін тамашалау үшін концерттік залға жайғасты.

Қонақтар мен көрермендер сахнада сан түрлі бағыттағы өнерді тамашалады. Мұнда мың бұралған би де, күмбірлеген күй де, әуезді әсем ән де әрбір адамның жүрегіне жол таба білді. Көбіне ұлттық нақыштағы шығармалар орындалғанын айта кету керек. Түрлі жанрдағы ән, би, күй, театр, цирк байқау-фестивальге бөлінген уақытта әп-сәтте өтіп кетті.
Өнерпаздар да концерттік нөмірлерді бір деммен орындап шықты. Қазылар алқасы барлық шығармаларды жоғары бағалап, қатысушыларға сәттілік тіледі. «Экзерсис» халық би ансамбілінің,

«Даймондс» би ансамбілінің, әнші Асан Ануарбековтың және термеші Мейрамбек Кенжебаевтың өнерін айырықша бағалады. Байқау режиссурасы да үлкен баға алды. Мерекелік іс-шараға қолдау көрсетіп келген көрермендер қатысушыларға ыстық ықыластарын білдіріп ду – қол шапалақтарын аямады. Концерттік бағдарлама жоғары деңгейде өтті.

• < Назад
• Вперёд >