Сайт газеты МАЯК

Өрелі өлкем Тобылым!

Подробности

Категория: Главное

Создано 09.08.2023 16:32

Автор: Super User

Просмотров: 2191

Тобыл кентінде ерекше мереке Тобыл күні және теміржолшылар кәсіби мерекесі өтті. Жылдағы дәстүр бойынша тамыздың алғашқы жексенбісі аталып өтетін Көлік қызметкерлері күні еліміздегі жүз мыңдаған теміржолшылардың да төл мерекесі болып табылады.
Бұл – уақытпен санаспай еңбек етіп, тәуліктің кез келген мезгілінде жұмыс орнынан табылатын теміржолшы деген жанкешті халықтың ерен еңбегі еленіп, лайықты бағасын алатын күн. Олар – пойыздардың қозғалыс қауіпсіздігін қамтамасыз етіп, жыл он екі ай түзде жүретін жолшылар, машинистер, пойыз құрастырушылар, вагон қараушылар, жолсеріктер, тағысын тағы теміржолдың кәсіби мамандары.
Тобыл халқы үшін көптен күткен мереке мекеме еңбеккерлерімен ұйымдастырылған карнавал шеруінен басталды. Орталық алаңда қатысушыларды жұртшылық зор қошеметпен қарсы алды. Әр мекеме өздері дайындаған көрініс-қойылымдарын көпшілік назарына ұсынды. Барлық қатысқан ұжымдарға сыйлық табыстады, ал ең үздік өнер көрсеткен ұжымдарға 1-3 орын берілді. Мерекенің салтанатты бөлімінде Б.Майлин ауданы әкімінің орынбасары Жұмашев Қалыбек Мирашұлы, Тобыл кенті әкімі Есмағанбетов Аманжол Бауыржанұлы, Тобыл ардагерлер Советінің орынбасары Артемьева Зоя Антреевна, сонымен қатар теміржолшылар басшылары Яковенко Сергей Николаевич, Акылбаев Марат Тұякұлы тобылдықтарды Тобыл күнімен және теміржолшылар күні мерекесімен құттықтап, жылдағы дәстүрге сай биыл да Тобыл өңірінің дамуына үлес қосып жүрген, белсенділігімен танылып, адал еңбегімен абырой арттырған жандарды, теміржол көлігінің дамуына сүбелі үлес қосқан, қызметтік міндеттерін атқару барысында айрықша батылдық, қырағылық танытқан бір топ еңбеккерлеріді түрлі төсбелгілермен, мадақтамалармен және алғыс хаттармен марапаттады. Тобыл мерекесінде «Думан» Мәдениет үйі өнерпаздарымен бірге аудандық Е.Өмірзақов атындағы Мәдениет үйі өнерпаздары өнер көрсетіп, тобыл халқын ерекше көңіл күйге бөледі. Жиналған қауым дискотекада би билеп, мереке соңы от шашумен аяқталды.
Құрметті Тобыл халқы, теміржолшылар! Сіздер бүгінгі күні теміржол саласында еңбек етіп, ел дамуы жолында, ел игілігі үшін елеулі жұмыс атқарып келесіздер. Қоғамдық маңызы зор жауапты қызметтегі біліктіліктеріңіз бен көлік және байланыс саласындағы сүбелі үлестеріңізді біз әрдайым жоғары бағаланады. Осы мерекелі күнде Сіздерге мықты денсаулық, толайым табыс, отбасылық амандық және несібелі жетістіктер тілейміз! Мереке құтты болсын, құрметті тобылдықтар, теміржолшылар!

• < Назад
• Вперёд >