User Registration

or Отмена

Әкімдердің халық алдындағы есеп беру кездесулері өтті

b_600_290_16777215_00_images_images_2018_5_5-2018-2.JPGБекітілген кестеге сәйкес өткен аптада ауыл әкімдерінің халық алдындағы кездесулері Евгенов селосында және Павлов, Приозер, Новоильин ауылдық округтерінде өтті.

 

Есептік кездесу барысында Елбасының халыққа Жолдауы талқыланды, АІІБ жергілікті полиция қызметі бастығының есебі тыңдалды. Сондай-ақ, ауыл әкімдері 2017 жылдың қорытындысын шығарып, 2018 жылға арналған жоспарларымен бөлісті. Әкім баяндамасынан соң, халық тарапынан бірнеше сұрақтар болды.

Атап айтсақ, Евгенов селосының тұрғындары негізгі мектептің жағдайына алаңдаулы, бала санының аздығына орай жабылып қалмаса екен дейді. Десекте, үміт бар, ауылдағы «Жаса-12» ЖШС-ң шаруашылығын кеңейтіп, мал өсірумен айналыспақ. Осыған орай сырттан жұмысшы тартып, баласы бар отбасыларды қоныстандыру жоспарларында бар.

Павлов округінде жол қатынасы, ауылға табиғи газ тарту, мектеп мәселелері қозғалды.

Приозер ауылындағы халық үйлерге тартылған ауыз суға «қысым» берілсе екен деген өтініштерін жеткізді. Сондай-ақ, жайылым жағдайы да мәз емес екенін айтты.

Новоильин округінде түйіткілді мәселелер көп екен. Әсіресе, халық мал ұрлығының жиі болатынын және сол қылмыстың ашылмай жатқанына қынжылады. Дәріхана жоқтығы, Тобыл өзені жағалауының тазалығы, табиғи газ тарту, жол сапасы мәселелері көтерілді.

Сөз соңында, аудан әкімі Қуандық Испергенов азаматтарға ашық және сындарлы сұрақтары үшін және ауыл өміріне белсене атсалысқандары үшін алғысын білдіріп, көтерілген мәселелердің барлығы жауапсыз қалмайтынын айтты.

 


Канал на YouTube