Сайт газеты МАЯК

«1000 теңгеге – баспана»

Подробности

Категория: №42 (10362) от 18 октября 2018 года

Создано 18.10.2018 06:24

Автор: Жанар Қасымова

Просмотров: 5181

Қазанның 13-і күні Тобыл елді-мекенінің «Думан» мәдениет үйінде қамқорлықты қажет ететін жандарға қол ұшын беру арқылы адам баласының жақсылыққа қадам бастауына өзіндік септігін тигізетін «Харекет» қайырымдылық акциясы ұйымдастырылды.

«Қайырлы күн, қадірлі қауым! Армысыздар, жаны жайсаң, жүрегі жомарт ел ағалары! Болашақта еліміздің өркендеуіне білімді жастар ғана биік асулардан аса алатынын ескерсек, балаларға жасаған қамқорлық елімізге еселеп қайтатыны анық. Қазіргі уақытта қамқорлық пен қолдауға мұқтаж болған, көңілдерін шер, қабақтарын мұң басқан, әр адамнан қайырымдылық, алақандарынан жылулық сезімін күтетін жандарға көрсетуге арналған «Харекет» атты қайырымдылық концертіне қош келдіңіздер!», - деп концерттік бағдарламаның шымылдығын ашқан жүргізушілер халықты жабырқау жандардың азаюына, жадыраған көңілдердің көбеюіне жәрдем беруге шақырды. «Азаматтығымызды, елдігімізді көрсетудің реті келіп тұр! Біз, көп ойлана келе, «тәуекел» деп осы жүкті алуға бел будық... Ендігі мәселе – сіздің қолдауыңызда! Барлық іс (жиналған сома, мұқтаж адамдар, алынған үйлер, т.с.с.) ашық болады! Әр жасалған іс әлеуметтік желілерде үзбей жарияланады! Сіздің салған 1000 теңгеңіз бір баспананың кірпіші болмақ», - дей келе, Мейрам Можебаев халқымыздың «Жылу жинау» дәстүрінің қайта жаңғырып жатқанын тілге тиек етті. Мәселен, бұрын ата-бабаларымыз ер азаматы қайтыс болған отбасыға көмек ретінде мал беріп, үй тігіп берген екен. Ал, қазір аталған акцияның аясында «1000 теңгеге – баспана» ұранымен сауаптан үміт еткен әрбір азамат қордың шотына 1000 теңгеден салынады. Қордың құрылтайшылары қатысқан жалпы жиында кеңесіп, баспананың кімдерге берілетіні шешіледі. Сатып алынған үй немесе жер телімі әлеуметтік желіде жария түрде көрсетілгендіктен, әр салымшы өзінің ақшасы нақ мұқтаж жанға жетіп жатқанының куәсі болады.
«Харекет» қайырымдылық акциясының шеңберінде өткен тамаша концерттің ұйымдастырылуына ұйытқы болған тобылдық Жасұлан Бекмағамбетов, Мейрам Можебаев, Динара Абишева, Ақтөре мен Бауыржан ауданымыздың өнерпаздарын шақырып, мәдениет үйінің кіреберісінде өз қолдарымен жасалған заттардың шағын жәрмеңкесін паш етті. Оған қоса, жергілікті «Исток» және «Дильназ» дүкендерінде қаржы жинауға арналған жәшіктер орнатылды. Айта кету керек, қор белсенділері түскен барлық қаражатты «Харекет» қайырымдылық қорына жіберетін болады.

• < Назад
• Вперёд >