Оңтайлы тұстарын алға тартты

b_600_290_16777215_00_images_images_2018_6_1.jpgАқпан айының 2-сі күні аудандық тілдерді оқыту орталығының қызметкерлері қазіргі уақытта қоғамда қызу талқыға түсіп жатқан латын әліпбиіне көшу мәселесіне байланысты дөңгелек үстел өткізді.

 

Көп кешікпей егемен еліміздің латын әліпбиіне көшетіні айқындалды. Ал, осы межелі мақсатқа кедергісіз қол жеткізу үшін не істеу керек? Бұл мәселені жан-жақты талқылау мақсатында орталықта «Латын әліпбиі – мемлекеттік тіл тірегі» атты іс-шара өтті. Ұйымдастырылған дөңгелек үстелдің басында бас қосқан қатысушылар өз тұжырымдарын, көзқарастарын білдіріп, латын әліпбиінің оңтайлы тұстарын алға тартты.

Қазақ тілінің ерте ме, кеш пе, әйтеуір, бір латын әліпбиіне көшетіні анық. Естеріңізге сала кетейік, Елбасымыз да:«... қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге Тәуелсіздік алғаннан бері мұқият дайындалдық», - деп ашық айтқан болатын. Тілдерді оқыту орталығында жиналған айтары бар азаматтар да күн тақырыбында өткір тұрған, бүгінде қоғамда қызу талқыланып жатқан латын әліпбиіне көшу мәселесіне байланысты ойларын ашық айта білді. Латын әліпбиін насихаттауға қатысты ұсыныстар да назардан тыс қалмады.

 


 
Яндекс.Метрика
Курс валют в Казахстане