Береговой белестері

«Ешкімге ұқсамайтын дербес орыны бар ұлт боламыз десек, әлем бізді мәдени жетістіктерімізбен тануы керек» деп Елбасы Нұрсұлтан Әбішұлы Назарбаев айтқандай, «Рухани жаңғыру:болашаққа бағдар» бағдарламасының аясында біздің Калинин селолық округінде де ауқымды істер атқарылуда.

 

Аймақтағы екі мектепте, Калинин балабақшасында жоспарға сәйкес, тәрбиелік іс-шаралар, сынып сағаттары, тақырыптық викториналар, ұлттық құндылықтарды дәріптейтін салт-дәстүр сайыстары өткізіліп тұрады. Береговой орта мектебінің, Нагорный негізгі мектебінің ата-аналар жиналысында «Рухани жаңғыру: болашаққа бағдар» бағдарламасының «Туған жер», «Туған жерге туыңды тік» тақырыбы бойынша пікірталас жүргізілді. Калинин селолық мәдениет үйі, Нагорный ауылдық клубы, аймақтағы екі кітапхана тұрғындарға түрлі концерттік бағдарламалар, тәуелсіз мемлекетіміздің, округтың тарихы жайлы көрмелер ұйымдастыруда, олар; «Аймақтағы қазба байлықтары», «Ұлы дала елі», «Халық шығармашылығының сарқылмас бұлағы», «Зергерлік бұйымдар әлемі», «Ұлттық киімдер поэзиясы», «Халық әндері мен ұлттық халық аспаптарының сиқырлы дыбыстары», «Тарих тереңінен шығатын ұлттық дәстүрлер – халықтың жаны», тағы басқалар. Округте 17 ұлттың өкілі бір шаңырақтың астында тыныш өмір сүруде. Береговой селосында халықтың тұрмыстық қажетін өтейтін барлық талапқа сай; кафе, шаштараз, тігін цехы жұмыс істеп тұр. Әнші, биші әртістерімізге костюмдер, «Викторовское» ЖШС жұмыскерлерінің арнайы киімдері де осы өзіміздің тігін цехында тігіледі. Рудный қаласынан күнделікті алты мезгіл автобус жүріп тұрады. Әрбір бейсенбі сайын Нагорный, Береговой ауылдарына қаладан пропан газ баллонын толтырып беретін арнайы көлік келіп, халық қажетін өтейді. Бағасы да қолжетімді – 1100 теңге.

Аймақтағы «Викторовское» ЖШС директоры И.И.Кулик әрбір іс-шараға демеуші болып, көмек береді. Ауыл дәрігерлік емханасына ЖШС өз қаражатына 5 млн. 470 мың теңге тұратын жаңа жедел жәрдем автокөлігін сатып алып берді. ЖШС демеушілігімен екі мектептің оқушылары тегін тамақтануда. Ауданда, облыста өтетін мәдени спорттық шараларға бару жол шығынын, жағармай шығынын ЖШС үнемі көтеріп отырады. Аймақтағы екі мәдениет ошағы да ЖШС қаражатына күрделі жөндеуден өткен талапқа сай, оның айғағы, жыл соңында облыс орталығы Қостанай қаласында өткен «Ең жақсы ауыл клубы - 2017» байқауында бас жүлде 300 мың теңгенің сертификатын біздің Калинин ауылдық мәдениет үйінің жеңіп алуы. Бұл жеңіс оңай келген жоқ, әрине, қаржы жағынан бірінші демеушіміз «Викторовское» ЖШС директоры И.И.Куликтің көмегімен, бос уақытын өнерге арнаған малшы, сауыншы, механизатор, мұғалім, мемлекеттік қызметкер, оқушы, зейнеткер - «бәрінің бір жеңнен қол, бір жағадан бас шығарып» еңбек етуінің жемісі деп білеміз. Мәдениет үйінің директоры Е.Кузнецова, хореограф Н.Маркованың басшылығымен түрлі үйірмелер жұмыс істейді, еңбектеген баладан еңкейген кәріге дейін ауыл мәдениет үйінде бос уақыттарын өткізеді. Әрбір мерекеде ауыл клубы, мәдениет үйінде мерекелік концертті ауыл тұрғындары тағатсыз күтіп отырады. Мектептердің спорт залында кешкілік ауыл жастары бос уақыттарында спорт түрлерімен айналысады. Мәдени және спорттық үйірмелердің жұмысы, жастар арасында қылмыстың болмауына септігін тигізеді. Мәдениет үйінің жертөлесінде жылумен қамтамасыз етілген бос орын бар, егер аудандық спорт бөлімі, жаттықтырушыға бір штат берсе, күрес секциясын ашуға болады, жаттықтырушымыз да бар, кілем сатып алуға демеушіміз де бар. Алда әлі де атқарылатын істер көп, заман ағымынан қалмай, аулымыз әлі талай биіктерді бағындырады.

 


 
Яндекс.Метрика
Курс валют в Казахстане